سماح أنور: مخرج حكاية نرجس من أحسن الحاجات اللي حصلت في حياتي

كشفت الفنانة القديرة سماح أنور عن كواليس دورها في مسلسل «حكاية نرجس» المشارك في السباق الرمضاني لهذا العام، مع النجمة ريهام عبد الغفور.

وقالت أنور، خلال استضافتها في برنامج «ست الستات» المذاع عبر شاشة دي ام سي: «أنا استخدمت كل موهبتي التمثيلية علشان أترجم سيناريو حكاية نرجس اللي الأستاذ عمار صبري كتبه، والأستاذ سامح علاء، وحقيقي الأستاذ سامح من أحسن الحاجات اللي حصلتلي في حياتي».

وأضافت: «هو كان مهتم جدا إن الشخصيات تطلع طبيعية جدا وكمان شبة الواقع، وكلنا كنا متفقين إننا مش بنعمل شخصية عندها موقف واحد لأ ممكن يبقى عنده كذا موقف، ودي حاجة كويسة جدا للممثل لما يبقى كويس أو عنده موهبة وأدوات عارف يوظفها».

وتابعت: «حقيقي كلنا كنا مبسوطين جدا بالعمل في المسلسل ده لأنه كان في حاجات كتير تخلي المسلسل مختلف وقريب من الناس».

وواصلت: «التغيرات اللي كانت بتحصل في كل شخصية مع كل كلمة كانت مختلفة، يعني مثلا ناس تتخانق وبعدين ترجع تقول حاجه تبين إنك خايف عليه، أبويا وأمي كانوا كده كانت أمي تتخانق مع أبوه وترجع تقوله أنت مأكلتش ليه».

وفي سياق سابق، كشفت الفنانة سماح أنور كواليس مشاركتها في مسلسل حكاية نرجس بطولة الفنانة ريهام عبد الغفور والفنان حمزة العيلي والذي عرض ضمن الموسم الرمضاني 2026 في النصف الثاني من الشهر الكريم.

وقالت سماح أنور في لقاء مع الإعلامي أحمد سالم عبر برنامج كلمة أخيرة المذاع على قناة أون: كنت بتعمد مغسلش وشي ولا أسناني علشان تبقى صفرة وتناسب الدور.

مسلسل حكاية نرجس يٌعد من أهم المسلسلات التي عرضت في الموسم الرمضاني 2026، من بطولة ريهام عبد الغفور تأليف عمار صبري وإخراج سامح علاء.

كما شاركت سماح أنور في مسلسل عرض وطلب، بطولة سلمى أبو ضيف، تأليف محمود عزت وإخراج عمرو موسى، ويتناول قضية الاتجار بالأعضاء.

كانت سماح أنور علقت الفنانة على نجاحها في الموسم الرمضاني الأخير بمسلسلي حكاية نرجس وعرض وطلب وكتبت : "شكر واجب لحبيبي وسندي وعزوتي وحيلتي الودود اللطيف الخبير الحكيم الكريم المعطي ربي الله العظيم سبحانه وتعالى .. شايفاه في كلامكم واحتفالكم وطبطبتكم وحنيتكم ولطفكم في استقبالكم لي بعد غيبة .. حاسة بيه في فرحة قلبي اللي رجعتلي بسببكم من بعد ربي الكريم اللطيف الودود الرحيم".