إيران «تنجو» أم «تنتصر»؟.. لؤي الخطيب يعيد تقييم الموقف بعد وقف النار
على الكاتب الصحفي لؤي الخطيب على ما يُوصف بالانتصار الإيراني في مواجهة الضغوط الأمريكية الأخيرة، مؤكدًا أنه من الضروري إعادة تقييم الأمور بعيدًا عن الدعاية الإعلامية.
وقال الخطيب في تغريدة عبر منصة «إكس»: «طبعا أنا عارف إن صعب دلوقتي أجادل في فكرة إن إيران انتصرت وسط سيل الدعاية اللي بتحتفل بالنصر على أمريكا، وعارف كمان إن في ناس منتظرة مني اعتراف بالخطأ، وعلشان كده أنا هريحكم في نهاية البوست وهعترف.. بس هل فعلا إيران انتصرت؟ يعني إيران تجنبت ضربة كبرى امبارح.. حصل وكسبت اعتراف من ترامب شخصيا بإن ورقة الـ١٠ مطالب تصلح كأساس للتفاوض.. حصل وحافظت على هيكل النظام.. صح».
تسليم اليورانيوم
وأضاف الخطيب: «في المقابل ترامب خد ايه؟.. فتح مضيق هرمز، إنهاء شبه كامل للبرنامج النووي واتفاق محتمل لتسليم اليورانيوم مع تهديد جاد جدا بإن ده يتم بعملية عسكرية خاطفة غير مُتوقعة، ضربات عنيفة جدا على آلاف الأهداف العسكرية وخصوصا المصانع تخلي مستقبل البرنامج الصاروخي غامض تماما، اغتيال لعشرات/مئات القادة الكبار وعلى رأسهم علي خامنئي نفسه، تدمير كبير لأهداف مدنية استدعت إن إيران تطالب بتعويضات لإعادة الإعمار، وماغرزش، كل تحليلاتنا اللي كانت بتقول انه هيغرز ماتحققتش، يعني كمان مش هيدفع أي تكلفة إضافية».
واختتم قائلاً: «لو كل ده نصر فتمام أنا كده لازم اعترف بخطأي، أنا فعلا كنت فاهم غلط وتصورت إن المقصود بالنصر حاجة أكبر من فكرة البقاء على قيد الحياة، خصوصا بعد ٥٠ سنة من تحدي أمريكا وإسرائيل، حقيقي إسرائيل محظوظة جدا بكتير من الدول اللي بتعاديها، الخازوق اللي طالعلها هو مصر، يعني احنا أخدنا سيناء وحققنا نصر سياسي مبني على نصر عسكري مذهل، نسكت ونحتفل ونكبر دماغنا؟ لأ، فضلنا ورا آخر سيجارة فرط في طابا.. أنا اللي كنت فاهم غلط يا جماعة.. مبروك النصر».
