رئيس اتحاد الكرة السابق: المجلس الحالي "بيعمل شو إعلامي"

طالب جمال علام رئيس اتحاد الكرة السابق، من لجنة الحكام الحالية النظر في اختيارات الحكام لمباريات الدوري المصري.

وقال جمال علام في تصريحات مع سهام صالح لبرنامج الكلاسيكو: لازم لجنة الحكام تراعي حسابات وميختاروش نفس الحكم اللي دار المباراة الدور الاول

واضاف: لازم اتحاد الكرة يتكلم مع الحكام ويشوف ايه المشكلة وتعيينات لطاقم الحكام في مباريات عديدة
وتابع: فيه حكام كتيره فوق السن موجوده اشمعنى الغندور  ورد الفيفا قالت طالما الحكم قادر يدي سيبه

وواصل: مينفعش مجلس جديد يلغي قرار مجلس قديم .. هما لغوا قرارات  ومتلغتش اساسا وعملوها عشان الشو الإعلامي.

تعادل مرير في الجبل الأخضر 

وأعرب سيد عبدالحفيظ عن استيائه الشديد من القرارات التحكيمية خلال مباراة الأهلي وسيراميكا، مؤكدا أن فريقه تعرض لظلم واضح، وأن النادي لن يتنازل عن حقوقه.

وقال عبدالحفيظ في تصريحات مع الإعلامي إبراهيم فايق: “أقسم بالله كنت متأكد إن الحكم محمود وفا مش هيحتسب ركلة جزاء للأهلي، حتى بعد الرجوع لتقنية الفيديو، لكنه انشغل بطرد أفراد من جهاز سيراميكا، وده أمر غريب”.

وأضاف: “مش منطقي إن نفس الحكم يدير مباراتي الدور الأول والثاني بين نفس الفريقين، ولازم نسمع حوار الفار مع الحكم علشان نعرف إيه اللي اتقال، لأنه كان واضح إنه بيدوّر على أي زاوية لعدم احتساب ضربة جزاء”.

وتابع: “طلبنا حكام أجانب لمواجهتي بيراميدز والزمالك، لكن واضح إن ده صعب التنفيذ، ومش منطقي نجيب حكام أجانب لكل المباريات”.

ووجه عبدالحفيظ انتقادات لاتحاد الكرة، قائلًا: “واضح إن اتحاد الكرة بيعاند مع النادي الأهلي، وحتى في مباراة الترجي الأخيرة، الاتحاد التونسي تحرك لتأجيل الاستئناف، لكن في مصر مفيش أي تحرك، وكنا نتمنى نقول شكراً لاتحاد الكرة”.

واستكمل: “لأول مرة أشوف حكم يحتسب ركنية وبعدين يلغيها، إزاي الفار يتدخل في قرار زي ده؟! لازم يكون في تحقيق، خصوصًا بعد اللي حصل من تجاوزات، ووصول الأمر لاعتداء الحكم على لاعبين داخل الملعب”.

واختتم تصريحاته: “الأخطاء دي مش جديدة، وبتتكرر من 2022، وده شيء واضح للجميع ، مش هنسيب حقوقنا تاني مهما حصل، حتى لو عندنا أخطاء أو محتاجين مراجعة، لكن في النهاية لازم ناخد حقنا كامل”