محمد رمضان عن قرار ترشيد الكهرباء: "فيلمي هيتأثر بس إحنا في ضهر بلدنا" |فيديو
علق الفنان محمد رمضان، عن قرار ترشيد الكهرباء وتأثيره على فيلم أسد، عبر حسابه الرسمي على موقع تبادل الصور والفيديوهات الشهير "إنستجرام".
وظهر محمد رمضان، خلال مقطع فيديو، قال خلاله: "أحب أكلمكم وشعري منكوش عشان يعني أحس إن مفيش بينا حاجز يعني، أتكلم مع أهلي زي ما بتكلم مع ولادي، مش هقوم أعمل شعري عشان أتكلم مع الجمهور".
وتابع محمد رمضان، قائلًا: "وحشتوني طبعًا، وعايز أتكلم عن الفترة الصعبة اللي بنمر بيها لتوفير الطاقة وقفل المحلات والسينمات من 9 مساءً، إحنا في ضهر بلدنا ومتحملين الأزمة دي، وهو ده الشعب الأصيل الصبور".
وأضاف محمد رمضان، قائلًا: "وده هيأثر على الفيلم أو على الإيرادات أو على الحاجات، أنا بشوف إنه أه طبعًا هيبقى في تأثير أكيد، فيلم مهم بالنسبة ليا غايب بقالي 3 سنين فـهاممني جدًا طبعًا إنه كان يبقى واخد كل الفرصة الكبيرة".
وأكمل محمد رمضان، قائلًا: "لكن أنا بوعد اللي بيسمعوني دلوقتي، لأن كل نجم أدرى بجمهوره وكل نجم حافظ جمهوره، أنا أدرى واحد بجمهوري، الجمهور اللي نجمه غاب 3 سنين وفضل فاكره وبيفتكره في شهر رمضان، وبيعيدوا نشر مقاطع من مسلسلات مر عليها سنوات، ده جمهور أنا أدرى بيه وحافظه".
وأكد محمد رمضان، على نجاح فيلم أسد، قائلًا: "بوعد اللي بيسمعوني دلوقتي إنه حفلات الصبح، اللي هي دايماً بتبقى حفلات ضعيفة في السينما، السينمات هتشهد شيء جديد من نوعه، وهيبقى لأول مرة بنشوف الحفلات دي فيها زحام شديد حتى من 9 الصبح".
واختتم محمد رمضان، قائلًا: "ثقة في الله هنشوف نوع جديد من النجاح في السينما بفيلم أسد، وفي ضهر بلدنا وثقة في الله".
موعد عرض فيلم أسد في مصر والوطن العربي
وفي سياق متصل، يستعد محمد رمضان لطرح فيلم أسد، يوم 14 من شهر مايو المقبل بدور العرض المصرية، بينما يُعرض في سينما الوطن العربي ابتداءً من يوم 21 من ذات الشهر.
فيلم أسد، تدور أحداثه حول قصة علي بن محمد الفارسي، الذي قاد ثورة العبيد التي استمرت لمدة 14 عامًا خلال فترة الحكم العباسي.
أبطال فيلم أسد
فيلم أسد، بطولة الفنان محمد رمضان، ماجد الكدواني، رزان جمال، علي قاسم، ركين سعد، كامل الباشا، محمود السراج، أحمد عبدالحميد، إسلام مبارك، تأليف محمد دياب، شيرين دياب، إخراج محمد دياب.
