نهاد أبو قمصان تهنئ ابنة هبة قطب بزفافها: ليلة من أحلى الليالي الراقية
هنأت نهاد أبو قمصان، ابنة هبة قطب بزفافها، الذي أقيم اليوم في هرم سقارة.
وكتبت نهاد أبو قمصان في منشور عبر حسابها بموقع إنستجرام: “في ليلة من أحلى الليالي الراقية احتفلنا بفرح راندا هشام بنت اختنا الجدعة دكتورة هبة قطب على زوجها العزيز يوسف ليلة كلها حب وجمال وروقان جمعت الحبايب في حضن هرم سقارة أجواء ساحرة وليلة لا تنسى يا رب يسعدهم ويفرح قلبهم ويبارك في حبهم ويجمعنا دايما على الفرح والحب”.
على جانب آخر، تحدثت نهاد أبو قمصان عن خطورة تدريس قانون الأسرة كنصوص، وكتبت: "خطر حاجة في قانون الأسرة… إنه بيتدرس كنصوص، بينما هو في الحقيقة حياة كاملة. النهاردة كنت مع طلبة كلية القانون في الجامعة البريطانية في مصر، وبصراحة حاولت أخرجهم من فكرة “القانون المكتوب”…
وأدخلهم جوه “القانون اللي بيتعاش”.
وأضافت: "اتكلمنا عن قضايا حقيقية، عن ستات بتدور على حقها، وعن رجالة تايهة بين المسؤولية والضغوط، وعن أطفال بيدفعوا ثمن قرارات مش بتاعتهم. وقلت لهم جملة مهمة: مش كل حكم عادل على الورق… بيكون عادل في حياة الناس. اللي طمّني بجد إن النقاش ما كانش سطحي…
كان في وعي، وفي جرأة، وفي رغبة يفهموا قبل ما يحكموا. وده الفرق بين محامي بيشتغل بالقانون…
ومحامي بيشتغل بالعدالة".
