لو محتارة ازاي تختاري الجينز اللي يناسب شكل جسمك.. هنعرفك
الجينز من القطع الأساسية التي لا بتختفي من الموضة، وعليك التفكير جيدا قبل اختيار شكل البنطلون الجينز هيناسبك؟ الحقيقة إن شكل جسمك هو اللي بيحدد الستايل الأكثر مناسبة لك ويظهر جمالك، في المقال ده، هنقولك إزاي تختاري البنطلون الجينز المناسب حسب شكل جسمك، ويجعلك أكثر ثقة في كل إطلالة.
تتنوع أشكال جسم المرأة وتقسم إلى خمسة أشكال، ولكلٍ منها ما يناسبها لإخفاء عيوب الجسم والحصول على إطلالة مثالية:
الجسم الكمثرى (الأرداف أعرض من الكتفين)
لو جسمك على شكل كمثرى، اختاري بنطلونات جينز بقصة مستقيمة أو بقصة بوت كت النوعين بيساعدوا يوازنوا بين الجزء العلوي والسفلي ويدّوا شكل متناسق، كمان الجينز الغامق بيكون خيار ممتاز ،بيخفي الامتلاء شوية.
جسم التفاحة (امتلاء في البطن)
لو بطنك هي أكتر منطقة بارزة في جسمك، اختاري جينز بخصر عالي علشان يشد البطن ويدي إحساس بالرشاقة، وتجنبي الجينز اللي فيه تفاصيل كتير في منطقة الوسط، زي الجيوب الكبيرة أو الإكسسوارات، حتي لا يزيد من التركيز على تلك المنطقة.
الجسم الساعة الرملية (خصر محدد وأكتاف متساوية مع الأرداف)
إنتي محظوظة! معظم قصات الجينز هتناسبك، بس أفضلهم هي سكيني جينز أو الهاي ويست، لإنهم بيبرزوا الخصر وبيظهروا التناسق الطبيعي في جسمك.
الجسم المستطيل (لا يوجد فرق كبير بين الخصر والأرداف)
اختاري جينز بقصة تدي حجم أقل للجزء السفلي القصات مثل المام فيت تعطيك إحساس بإن فيه انحناءات أكتر وتخلق توازن في الشكل تقدري تجربي الجينز اللي فيه تفاصيل أو تطريز في الجيوب الخلفية.
الجسم المثلث المقلوب (أكتاف عريضة وخصر رفيع)
هنا المطلوب هو خلق توازن بين الجزء العلوي والسفلي الجينز الواسع من تحت، هيساعد يعمل ده "الوايد ليج" ، وحاولي تبعدي عن السكيني جينز علشان ما يزودش الفرق بين الأكتاف والجزء السفلي.
نصائح عامة:
دائمًا جربي البنطلون قبل ما تشتريه، حتى لو المقاس مكتوب.
خدي بالك من خامة الجينز، الأنواع اللي فيها نسبة مطاط بسيطة بتكون أريح.
الخياطة ولون الغرز ممكن يغيروا شكل البنطلون تمامًا، فاختاري اللي يليق على ستايلك.
في الآخر، مفيش "قواعد صارمة" للجمال أهم حاجة إنك تحبي شكلك وتحسي بالراحة والثقة في اللي بتلبسيه.
