للمرة الأولى.. ردّ حاسم من « بلبن» عن مصادر التمويل
قال الدكتور مؤمن عادل المدير التنفيذي ورئيس مجلس إدارة شركة بلبن: «نقطة الفلوس مهمة ومافيش مشروع بيبقى عليه زحمة وضغط وبيكسب زبائن إقبال الناس عليه بالشكل دا دا مش فيه مشروع مش ناجح، والمشروع اللي يحصل منه حاجة مخالفه دا مشروع مش معتاد».
وأضاف رئيس مجلس إدارة شركة بلبن خلال مداخلة هاتفية ببرنامج «الحكاية» والمذاع عبر قناة «ام بي سي مصر» تقديم الإعلامي عمرو أديب: «اي حد ناجح اكيد ليه أعداء، واللي الدولة هتقوله وتقول اعملوه هننفذه ومش هنتأخر بس الفروع ترجع تفتح تاني لأن دا 6 براندات مختلفة وكل واحد بيقدم حاجة مختلفة عن التاني تماما».
وواصل «هل بلبن علشان حصلت فيه مشكلة في السعودية يبقى لازم نفس المشكلة في مصر؟، أنا مع الدولة وهيئة سلامة الغذاء في أي حاجة تؤمرني بيها».
وأضاف رئيس مجلس إدارة شركة بلبن خلال مداخلة هاتفية ببرنامج «الحكاية» والمذاع عبر قناة «ام بي سي مصر» تقديم الإعلامي عمرو أديب: «ياريت الله يكرمكم عندي عمال قاعدين في بيوتهم مش عارفين هنعمل أي، وأي حاجة هتنطلب مني من الدولة هنفذها، مش دوري إن ادخل في أي حاجة، بس بتوسل إليكم في إنقاذ مشروع ناجح في 9 دول، اتمنى نظره عطف ونظره أبوه، مش طالب حاجة غير أي حاجة تنطلب اعملها، بس الفروع تتفتح، حرام إن 25 ألف أسرة يقعدوا في بيوتهم».
واستكمل: «احنا نشئتنا طلعت من مصر وفي عهد الرئيس عبد الفتاح السيسي ولا ننكر فضل البلد علينا، ننتظر من السيد الرئيس والدولة تنظر إلينا نظرة عطف».
وأكد: «قولنا إن إحنا تحت مظلة القواعد والقانون، بس اديني فرصة لو عندي مشكلة إن اصلحها، بس تنزل تقفل 6 براندات كل واحد ليقدم حاجة غير التانية».
لافتا: «احنا برند ناجح نقف معاه ونكبره، اعتبرونا لاعب كورة أو فنان، أنا غلطت غلطة ينفع اللي بيحصل دا؟، والحمد لله بلبن بالأرقام وبشكل الناس قدام الفروع والإقبال على الفروع، إحنا صناديق استثمارية عرضت علينا تدخل في استثمارات».
