رئيس مجلس إدارة شركة بلبن يكشف تفاصيل غلق الأفرع بالجمهورية (فيديو)
كشف مؤمن عادل، المدير التنفيذي ورئيس شركة بلبن، تفاصيل غلق الأفرع في محافظات الجمهورية.
وأوضح قائلا: مفيش ولا مرة جالنا أي حد من مفتشي الصحة علي الإطلاق وطول الأربع سنوات كنا بنقدم خدمة جيدة للجماهير ولم يحدث لدينا أي مشاكل صحية ولا حالا تسمم قبل ذلك علي الاطلاق.
وأوضح المدير التنفيذي، مفيش ولا محضر اتعمل للأفرع علي الاطلاق الفترة الماضية طيلت فترة عمل الأفرع بالجمهورية.
وأوضح «اتقفلت في السعوديه نتيجة اشتباه في حالات نزلات معوية لعدد كبير من الناس وكلمونا وقالوا عندكم كذا وحاولنا نعرف أي السبب كلمونا تاني قالوا هندور، وبعد كده قال لنا هنعمل غلق احترازي».
وأضاف «في مصر لحد وقت قريب كانت كل العينات مش فيها مشكلة فجأة لقينا الوضع في مصر اختلف في يوم وليلة اقفل كل الفروع، ومافيش ولا فرع اتعمل غير محضر واحد في زايد واتواصلنا مع الشخص وما كنش فيه مشكلة معاه».
واستكمل: «احنا بنبيع ملايين الوجبات شهريا، وكان عندي تعقيب، لو فيه حالات تسمم موجودة هتتثبت بمحضر، وحتى الآن مافيش ولا محضر جالنا».
وأضاف: «احنا ملتزمين بشكل كامل في اللي تطلبه مننا الدولة، في يوم وليلة اقفل لنا الفروع كلها، سألنا أي المشكلة مافيش حد بلغنا، في يوم وليلة الناس نزلت عملت غلق للفروع على مستوى الجمهورية».
وأوضح المدير التنفيذي ورئيس مجلس إدارة شركة بلبن: «احنا عندنا 25 ألف عامل سواء برا أو جوه، أنا لا عندي مشاكل ولا حاجه، أنا ما عنديش ناس جالها تسمم علشان يحصل دا كله، إحنا عندنا 6 شركات كل دول فيهم مشكلة ونفس البكتيريا».
وأكد: «احنا مصريين وولاد البلد والناس اللي موجودة دي ولاد البلد، وعندنا التزامات، وبطالب يا جماعة عاوز تعمل غلق قولي يا مؤمن الفرع دا فيه مشكلة».
