"ما بيسهرش ولا بيحط جل".. ياسمين عز تنصح باختيار الرجل الأصلع كأفضل شريك

وجهت الإعلامية ياسمين عز نصائح مهمة للفتيات لاختيار أفضل شريك للحياة خلال الفترة المقبلة. 

أفضل شريك للحياة

وقالت ياسمين عز، خلال برنامجها "كلام الناس"، المذاع عبر فضائية "إم بس سي مصر"،  أن الرجل الأصلح ضد الزمن والشيخوخة أنتي هتكرمشي وهتعجزي بدري وهو ما شاء الله هيبقى زي مهو، وحتة أن شعره تروح وشعره تيجي عمرك ما هتلاقيها في رجل أصلع، هو حاجة كدا توفير".

وتابعت: فكرين أغنية أحمد حلمي في فيلم "زكي شان" أهو ده دليل على أن الراجل الأصلع مبيسهرش ولا بيحط جل في شعره ومبلط في الدسكو.

وفي وقت سابق، أجابت الإعلامية ياسيمن عز عن أسئلة أحد المتابعات حول علاقات الخطوبة الصحية قائلة: إزاي اعرف إني في علاقة حب صحية؟"، لترد عليها قائلة: بصي على جهازك العصبي مش الهضمي لأنه مش مؤشر، لو لقيتي نفسك بتمشي بسرعة أو بتتعصبي بسرعة مش مرتاحة متقدريش تنامي من كتر التفكير، مش رايقة، ووبتزلطي الأكل ومش بتلعبه، وبتشربي النسكافية على بق واحد، و كدا جهازك العصبي في خلل، وكدا في علاقة غير صحية.

علاقات الخطوبة الصحية

وأضافت ياسمين خلال برنامجها اليوم "كلام الناس"، المذاع عبر فضائية "إم بي سي مصر": من غير متروحي لطبيب أنا طببتك وخدي مني الكلام ووفري الكشف، ده علاقة غير صحية والعكس صحيح، ولو لقيتي نفسك باردة وتلجة زيي كدا يبقلا أنتي في علاقة صحية، حبية ومهلبية من غير دكاترة ولا احزنون".

وسخرت قائلة: علاقة صحية أية اللي بتسألي عنها، روحي نامي الذهب بقى بـ 5500 جنيه ، صحية مش صحية محدش لاقي يتجوز.

وسخرت الإعلامية ياسمين عز من بعض طلبات الخطوبة المبالغ فيها، مشيرة إلى أن "موبايل التفاحة" (آيفون) أصبح جزءًا من هذه الطلبات التي قد تؤدي إلى إفساد العلاقات بدلاً من تعزيزها، قائلة : إزاي أول ما تتخطبوا، تاني يوم الصبح، موبايلك يتعطل وتطلبوا من خطيبك يجيبلك موبايل 'التفاحة'؟".

وأضافت ضاحكة: "الله يرحم الموبايل أبو كشاف، بقالك 3 سنين بتستلفي رصيد ولا بترجعيه، كأنك ناصبة على الشركة! والموبايل ده مش هيفرحك في الخطوبة، ده ممكن يخليك تتحولي من مخطوبة لِمنكوبة!".