حسام عاشور: شيكابالا كان بيخاف مني .. وأخطات في حق الأهلي
كشف حسام عاشور نجم الأهلي السابق، عن أسباب عدم تواجده كثيرا مع منتخب مصر مع حسن شحاتة
وقال عاشور في تصريحات مع سهام صالح لبرنامج الكلاسيكو: مكنتش بروح المنتخب كتير ومعرفش ايه السبب بصراحه ، مع اني انا اكتر لاعب لحد دلوقتي لعب في بطولات إفريقيا
واضاف: مكنش ليا دور مع كابتن حسن شحاته في المنتخب، ومتكلمتش معاه ، اتظلمت مع المنتخب اتظلمت جدا..ولو الزمن رجع بيا هروح اتكلم مع حسن شحاته وقوله انا ليه مش بتاخد
وتابع: جوزيه كان بيقولي انت هتمسك شيكابالا.. فاكنت بذاكر شيكابالا وبتفرج ع حاجات ليه وبفيديوهاته
وواصل: جوزيه قالي ف مره ملكش دعوه بالملعب وخليك ورا شيكابالا، وشيكابالا كان أول مابيشوفني يفضل يهزر ويتريق ويقول يانهار بقى
واختتم: ولا مره شيكابالا تألق وانا ماسكه ولا جاب جول وانا ماسكه
كما اكد حسام عاشور نجم الأهلي السابق، أنه اخطا في الفيديو الشهير الذي نشره ضد مجلس ادارة النادي الاهلي
وقال عاشور: الفيديو اللي عملته ضد الاهلي مكنش صح، واللي خلاني اعمل كده كنت عاوز اعمل ماتش اعتزالي.. والتوقيت اللي عملت فيه الفيديو كان غلط جدا
واضاف: كنت عاوز اللعب سنه كمان.. كنت عاوز ابقي اكتر لاعب في العالم اخد بطولة دانيل الفيش كان ٤١ وانا ٣٩ كنت قريب جدا
وتابع: كنت قادر على الاستمرار في الملاعب وحزنت لعدم استمرار ي مع الاهلي بسبب عدد البطولات
وواصل: فايلر قالي لما عرف اني ٣٦ بطولة قالي مش كفاية كده! استغربت تصريحه . وفايلر مقعدتش كتير فمكنش فيه عداوات ، وصعب عودة فايلر
