الخميس القادم.. فريدة عبيد تطرح أول أغنية من ألبومها الجديد
أعلنت المطربة فريدة عبيد عن طرح أول أغنية من ألبومها الجديد يوم الخميس المقبل، وذلك من خلال حسابها الرسمي على موقع تبادل الصور والفيديوهات إنستجرام.
وعلقت فريدة عبيد قائلة: “حاسة أنه جه الوقت اللي لازم أقدم فيه ألبوم شم سنجل، فقررت أقدملكم أول ألبوم ليا، وهيكون كله من كلماتي وألحاني، وأول أغنية فيه هتنزل الخميس الجاي، ومع نزول آخر أغنية فيه هنختار اسمه سوا، أتمنى يعجبكم”.
فريدة عبيد توجه رسالة للمتنمرين عليها
في سياق منفصل، قد وجهت المطربة فريدة عبيد رسالة للمتنمرين عليها بعد ظهورها مؤخرا في برنامج هي وبس مع الإعلامية رضوى الشربيني.
وكتبت فريدة عبيد عبر حسابها بموقع التواصل الإجتماعي فيسبوك: كل اللي بيتكلم ويتنمر علي شكلي مريض بجد . وعايزة اعرفكوا معلومة صغيرة أنا في البرنامج ده علشان موهبتي واغنيتي اللي كتبتها ولحنتها وغنتها ونجحت والناس حبتها مش علشان أنا بنت شكلها حلو".
وأضافت فريدة عبيد: "وعلشان اريحكو اعتبروني مطربة شكلها وحش بس صوتها حلو لو انتو مش مستوعبين انه كاميرا الموبايل مش بتجيب الشكل مظبوط زي كاميرا التليفزيون والإضاءة والميكب واللبس والشعر كل ده بيعمل تغيير في الشكل يبقي دي حاجة ترجعلكو او تقريبا انتو ما بقيتوش قابلين تشوفو ناس طبيعية وبسيطة مش متكلفة في ظهورها".
وتابعت: "عموما زي ما قلتلكو اعتبروني مطربة صوتها حلو بس شكلها وحش لو ده هيريحكو أنا عن نفسي مرتاحة في شكلي ومتقبلاني في كل الاحوال انتو ايه مدايقكو مش فاهمة وليه أصلا مركزين في شكلي".
أحدث أغاني فريدة عبيد
تٌعد أحدث أغاني المطربة فريدة عبيد أغنية خدت بالك والتي طرحتها على يوتيوب منذ أسبوعين وحققت أكثر من 350 ألف مشاهدة.
وتقول كلماتها:-
“خدت بالك ان أنا اتغيرت حبة عن زمان شكلي روحي حتي قلبي مات كمان ايوا دي عمايل إيديك طب لسا فاكر لما عشت معاك أصعب أيام حياتي قسوة كدب خيانة دي كانت حياتي شكلك ناسي أنت عملت فيا إيه، جاي ليه صعبان عليك إني بعيش وما همنيش جرحك ليا قولت تيجي تكمل عليه ! ما بقتش زي زمان خلاص، عملت ايه خلتني آذي اي حد اقرب ليه ما بقتش شايفة حد طيب أو بريء من سواد قلبك شربت وارتويت خدت بالك، جه في بالك اني عشت بعدك منك حبة تايهة ضايعة مكسورة وضعيفة روحي بهتا بس فوقت وابتديت اقوي حبة بس جوا القوة جرحي بيستخبي اتحولت لنسخة منك بس اقسي وزي ما اتأذيت اذيت، جاي ليه صعبان عليك اني بعيش وما همنيش جرحك ليا قولت تيجي تكمل عليه ! ما بقتش زي زمان خلاص، عملت ايه خلتني ءأذي اي حد اقرب ليه ما بقتش شايفة حد طيب أو بريء من سواد قلبك شربت وارتويت خدت بالك”.
