انتقادات لفيلم إيجي بست بسبب كلمة .. ما القصة ؟
أثار أحد رواد السوشيال ميديا جدلًا واسعًا، بسبب انتقاده لفيلم إيجي بست، الذي يُعرض في الفترة الحالية بالسينمات، ضمن موسم أفلام عيد الفطر 2026.
انتقادات فيلم إيجي بست
وأرجع أحد الأشخاص ذوي الاحتياجات الخاصة انتقاده لفيلم إيجي بست إلى استخدامه كلمة معاق أو معوق لأكثر من مرة خلال أحداث الفيلم، واصفًا ذلك بالتنمر.
وكتب : "ليه الواحد يدفع فلوس عشان يدخل فيلم يتهزق فيه وتنمر وقلة أدب .. مع احترامي لكل صناع فيلم إيجي بست .. لكن أنا من كام يوم دخلت الفيلم في سينما سيتي ستارز وحقيقي اتصدمت صدمة عمري لما اتذكر أكتر من مرة كلمة معاق أو معوق .. ليه يا جماعة وإيه لازمتها ؟".
وواصل : "هل فاكرين إن كلمة زي دي هزار؟ .. أنا كشخص كبير ممكن متأثرش ولا أحط في دماغي .. لكن طفل مثلًا مكاني هيحس بإيه ؟ .. شخص تاني ممكن كلمة زي دي تقهره! ..حرام عليكم".
وأضاف : "أنا استنيت الدنيا تهدي شوية وكنت متردد برضو أنزل البوست .. لأن الفيلم كويس وممكن ياخد فرصة لكن مقدرتش أسكت .. لأن فعلا من ساعة ما سمعت الكلمة اتكررت اكتر من مرة واتنين .. أنا اتقفلت واستغربت إزاي فريق العمل وافق على كدة! .. ده تنمر علني .. غريبة في 2026 مش قادرين نفرق بين الهزار والتنمر !".
قصة فيلم إيجي بست
يُذكر أن فيلم إيجي بست مستوحى من أحداث حقيقية تروي قصة مؤسسي موقع إيجي بست، أحد أشهر مواقع قرصنة الأفلام في العالم العربي، ويأخذ الفيلم الجمهور في رحلة عميقة داخل عالم القرصنة الرقمية، متتبعًا قصة صديقين منذ الطفولة في حي المرج بالقاهرة.
أبطال فيلم إيجي بست
فيلم إيجي بست بطولة أحمد مالك وسلمى أبو ضيف ومغني الراب مروان بابلو في أولى تجاربه التمثيلية ومشيل ميلاد، والعمل تأليف أحمد حسني وإخراج مروان عبدالمنعم.
