بدور عليكي.. رضا البحراوي يوقف الغناء ويبكي في أولى حفلاته بعد وفاة والدته
تداول مقطع فيديو مؤثر للمطرب الشعبي رضا البحراوي، خلال إحدى حفلاته، بعد عودته مؤخرًا للعمل، حيث كان قد توقف لفترة بعد وفاة والدته ووصيتها له بترك الغناء.
ظهر رضا البحراوي في الفيديو وهو يبكي خلال غنائه مقطع يقول “بدور عليكي في كل سكة وكل مكان” وتوقف عن الغناء فجأة وأخذ ينهار من البكاء.
كان رضا البحراوي أعلن عودته للعمل، حيث نشر صورته عبر حسابه بموقع إنستجرام، وعلق:"اللهم لا حسد رجع الأسد”.
وكان رضا البحراوي أعلن أنه يحضر 3 أغاني، انتهى من تسجيلها مؤخرًا، لتكون بمثابة هدية العودة بعد قرار الاعتزال الذي اتخذه سابقًا
يشار إلى أن آخر أعمال رضا البحراوي أغنية بعنوان “ريح ونام ننه” التي طرحها العام الماضي، وتقول كلمات الأغنية:
أنا اللي بعمل زوم عشان مش شايفكوا
كفايا عندي حضوري مخوفكوا
وبطولي اقوم ب دولة
أنا م الخريطة هحزفكو
طول ما الأسد فيها
أساميكو هلغيها
علي مين بترميها
دنا عقدتك حزين
سيبتك تاخد نفسك
فكرتني هنافسك
عايزك تجيب اخرك
يا اونطه يا ابو وشين
اللي انت نفسك يبني في من بدري انا عملو
كل اللي انا يبني معديه هتموت وتوصلو
من يومي وانا فارد السيطره سايق المجال كلو
ملوش لزوم شغل الافوره عشان انتو بتجلو
ريح ونام ننه
فرق السما مابينا
مين يعرفك غيرنا
متجيش تقولي تاريخ
حقك تغير مني
علشان مفيش مني
ازاي هتشغلني
يبني انت علي مفيش
يعم فوق لينا. دا الظلمة وسطينا
قاعدين يخططو لينا مالكم يا ناس بينا
ابيض علينا عشان طالعين بنفسينا
واسود ع اللي غدار وع اللي يعادينا
