مخرج مسلسل وننسى اللي كان: "مازال في صدارة منصة شاهد مصر مع أنه باشتراك"
كشف المخرج محمد الخبيري مخرج مسلسل وننسى اللي كان عن استمرار تصدر المسلسل على منصة شاهد مصر، وذلك بعد أيام من انتهاء عرضه، حيث نشر إحصائيات عبر حسابه الرسمي على موقع تبادل الصور والفيديوهات إنستجرام.
مسلسل وننسى اللي كان متصدر منصة شاهد مصر
وقال محمد الخبيري في منشوره: “الحمد الله، رمضان خلص والعيد بيخلص وننسي اللي كان لنجمة مصر والوطن العربي سوبر ستار ياسمين عبدالعزيز ونجم مصر كريم فهمي مازال في صدارة منصة شاهد مصر والوطن العربي وكندا، ملحوظة مهمة المسلسل باشتراك وليس مجانا، حلقة متوفرة مجانا فقط”.
أحداث مسلسل وننسى اللي كان
وتدور أحداث مسلسل وننسى اللي كان في إطار اجتماعي رومانسي تشويقي، تظهر خلاله ياسمين عبدالعزيز بشخصية ممثلة شهيرة، بينما يظهر كريم فهمي خلال الأحداث بشخصية بودي جارد، وتجمعهما قصة حب، وتتعرض ياسمين خلال الأحداث لحملات تشويه من قبل طليقها، وتدخل في العديد من الصراعات المثيرة.
أبطال مسلسل وننسى اللي كان
ويعد مسلسل وننسى اللي كان مكون من 30 حلقة، وهو من بطولة ياسمين عبدالعزيز، كريم فهمي، شيرين رضا، خالد سرحان، محمد لطفي، ليلى عز العرب، منة فضالي، إدوارد، إيهاب فهمي، محمود عمرو ياسين، إلهام وجدي، إنجي كيوان، وغيرهم من الفنانين، ويعد المسلسل تأليف عمرو محمود ياسين ومن إخراج محمد الخبيري.
حقيقة تغير نهاية مسلسل وننسى اللي كان
وفي سياق آخر، قد كشف السيناريست عمرو محمود ياسين حقيقة تغير نهاية مسلسل وننسى اللي كان بطولة الفنانة ياسمين عبدالعزيز الذي كان يعرض خلال هذا الموسم الرمضاني الحالي.
وكتب عمرو محمود ياسين عبر صفحته على موقع التواصل الاجتماعي فيسبوك: "هبدة كل سنة .. يقولك النهاية اتغيرت ..اولا مافيش مره بدخل فيها أي عمل و ببقى مش محدد النهاية ايه كإطار عام.. عشان ده أكتر شيء بيسهل رحلة الكتابة .. لاني عاوز أوصل لنقطة بعينها .. فاعندي هدف .."
وتابع: "ثانيا سيكونس مشاهد ال MMA اللي قبل مشهد النهاية ..ده معروف و متحدد من زمان لان الأمور دي عايزه تجهيز .. يعني لازم نعمل معاينة .. نحجز مكان .. نجهز ديكور .. اضاءه .. نحجز مجاميع .. يتعمل أوردر عمل .. الخ .. الخ .. و لسه كل ده مابتدناش التصوير اللي بياخد يوم كامل ع اقل تقديرو انتوا اكيد شفتوا الكواليتي اللي متقدم في المشاهد دي ..و ده كواليتي ماينفعش يبقى الو .. صباح الخير ..ماتيجوا نعمل مشاهد ضرب للركب و يلا بينا !".
وأضاف: "ايه السذاجة دي بجد؟ التصوير مش موضوع سهل ده معقد جدا و مليء بمئات التفاصيل ( و خصوصا لو أكشن)، ده غير ان البطولة اللي بيخوضها بدر السباعي و اللي أهلته لبطولات اهم كما ظهر في الفوتومونتاج الذي تلى البطولة كانت ضرورية لتأمين نهاية سعيدة ..لان مش معقول ان جليلة و بدر يقدروا يعيشوا حياة سوية في ظل وجود فجوة كبيرة بينهم ..!".
