خالد الغندور : إدارة الأهلي تهدر الملايين وتفقد السيطرة
شن خالد الغندور هجوم حاد على مجلس إدارة النادي الأهلي والجهاز الفني الحالي، معتبرًا أن بعض القرارات الأخيرة أثرت سلبًا على استقرار الفريق.
وكتب خالد الغندور عبر منشورعلى حسابه بمنصة التواصل الاجتماعي «فيسبوك»: كولر حصل علي ١١ بطولة بس خرف لازم يمشي ييجي عماد ينجح لازم يمشي عشان مدرب مصري مش هيعرف يسيطر علي النجوم نجيب ريبيرو مدرب ضيع هيبة الأهلي لازم يمشي نجيب توروب مدرب وحش و نتايج سيئة لازم يمشي و نجيب كامويش مكان جراديشار عشان عقده كبير و مش جامد و بالنسبة للإدارة و اللاعبين و الصفقات اللي مشيت و جه مكانها لاعبين اختيار الادارة مش المدرب.
وتابع : بالنسبة لغرفة الملابس و بالنسبة للتفرقة في العقود بين اللاعبين و بالنسبة لعدم سفر امام ليانج افريكانز و رجع لعب عادي بعد اسبوعين و بالنسبة لزيزو الاهلي و اللي جه بعد انسحاب الاهلي من امام الزمالك و عقده اللي فيه كيد للزمالك و اللي بوظ أوضة اللبس بسبب عقده الأعلي في تاريخ الاهلي و بالنسبة لرحيل رامي و بيع وسام ابو علي بعد ما اصر علي الرحيل غصب و اكرم توفيق و اليو ديانج بسبب المغالاة في العقود فعلا.
وأتم: يا راجل قول كلام غير ده هي كل الفلوس اللي بتترمي في الارض دي عادي امال اشرف داري و رضا سليم و جراديشار و الكولر اللي بتدفعلهم فلوسهم لغاية دلوقتي و اللاعبين اللي جم عندك و ما عملتش اي اضافة للفريق ده اسمه ايه اهدار مال و لا ادارة رائعة و فين شركة الكورة و فين سيد عبد الحفيظ المتحكم في كرة القدم في الأهلي و لا كابتن الخطيب برده هو اللي لسه بيدير رغم تعبه.
