محمد صلاح العزب يستغيث بالرئيس السيسي بعد سحب سفاح التجمع من السينمات

بعث المؤلف محمد صلاح العزب، مؤلف ومخرج سفاح التجمع برسالة إلى الرئيس عبد الفتاح السيسي، يستغيف فيها من سحب الفيلم من دور العرض السينمائي بعد طرحه أمس ضمن أفلام عيد الفطر المبارك.

وكتب محمد صلاح العزب عبر حسابه بموقع فيسبوك: “معاك محمد صلاح العزب، قعدنا مع بعض واتكلمنا في الاتحادية في ٢٠١٤، أنا كنت أصغر في السن، وحضرتك كنت رئيس جديد، أكيد حضرتك فاكر”.

اللي بيحصل مع فيلم "سفاح التجمع" مش مجرد "تعنت رقابي"

وأضاف مطالبًا أن يتدخل لعرض الفيلم: "يا ريت بعد إذنك تشوف موضوع منع فيلم سفاح التجمع بعد ما خد كل الموافقات الرقابية واتصرف عليه ملايين وتعب فيه مئات البني آدمين في كل الأقسام.لأن اللي بيحصل مع فيلم "سفاح التجمع" مش مجرد "تعنت رقابي"، ده "اغتيال" لإرادة فنية حصلت على مشروعيتها الكاملة بـ صك اعتماد نهائي من الدولة عليه ختم النسر".

وتابع: "كلمة الجمهور، اللي هو الشعب، هي "الاستفتاء" الحقيقي لأي عمل فني، ولما الفيلم يحقق نص مليون جنيه في ساعتين وبأقل من نص عدد النسخ المتفق عليها، والصالات ترفع شعار "كامل العدد".. يبقى دي رسالة واضحة إن الناس عايزة الفن ده، والجمهور هو "الرقيب" الأول والأخير. هيبة "الترخيص النهائي" لازم تكون محصنة، إحنا في دولة مؤسسات، ولما الرقابة تجيز عمل بعد مشاهدة النسخة النهائية، يبقى "سحبه" بعد العرض ضرب في مصداقية الصناعة كلها".

وأكمل: "العبث ده بيخلي أي مبدع أو منتج أو مستثمر يحط إيده على قلبه، وده مناخ "خانق" لا يليق بمصر اللي بقالها 130 سنة بتعلم المنطقة يعني إيه سينما.
ازدواجية المعايير.. "الخواجة والمصري": مش منطقي أبداً نفتح أبوابنا لأفلام أجنبية "دموية" وصادمة ونقول عليها "فن عالمي"، ولما ابن البلد يقدم تشريح فني ونفسي لواقع موجود، نمنعه ونحاصره. هل "الحلال للخواجة حرام على المصري"؟ الفن المصري طول عمره جريء في إطار الحدود المناسبة، والمنع عمره ما كان حل، المنع بيخلق "أسطورة" والعمل الحقيقي بيعيش رغما عن أي مقص".

المناشدة دي عشان حق مئات المبدعين اللي تعبوا في الفيلم

وأدرف: "المناشدة دي عشان حق مئات المبدعين اللي تعبوا في الفيلم، وحق الملايين اللي اتصرفت.وإحنا مش هنسمح إن صناعتنا "تصغر" بفعل فاعل أو بقرار غير مدروس. الفن الحقيقي زي "الميّة"، مهما اتحطت قدامها سدود، بتلاقي طريقها للناس.كامل التقدير لشخصكم الكريم يا ريس وكل سنة وانت طيب.. ومنتظرين رجوع "سفاح التجمع" لمكانه الطبيعي على الشاشة الكبيرة".