رسالة مؤثرة من أصالة في عيد الفطر: مهما صعبت رح تهون وتفرج

عبّرت الفنانة السورية أصالة عن مشاعر إنسانية عميقة تزامنا مع حلول عيد الفطر، حيث مزجت كلماتها بين الألم والأمل، والدعاء بانفراج الأزمات.

وقالت أصالة في رسالة مؤثرة عبر حسابها على منصة «إكس»: «عيد سعيد، عيد مبارك، وهالعيد بلكي بيقدر يمسك إيد الظلّام ويرميهم برّه العيد،
ويتركونا بهالأيام نعيش عيد سعيد».

أضافت: «والإنسان فينا بيقدر كل شي يتحمّل، وبيقدر يضلّه يبكي، وبيقدر يتصدّى، وبيقدر يتحدّى، وبيقدر الإنسان يعيش جوّا الويل، بس ما بيقدر يعيش بلا عيد، لذلك الأديان فيها أعياد، والأوطان إلها أعياد، وحتى الإنسان إله عيده الخاص، وهالعيد بدنا ياه، وبدنا نعيشه، وبدنا نشوفه، وبدنا نعيّد بهالأيام».

الخير والسلام 

وتابعت: «بدي أتمنّى لكم يا أهلي وأحبابي وصحابي وناسي الخير، والسلام، والأمان، والطمأنينة، والهدوء، والراحة، والله يجعله علينا خير، ويروح الشر ويبعد، وتحفظ يا رب العالمين بلادنا كلها، وتحمي خليجنا العظيم اللي كان أهل وبيت وسكن لكل من استجار فيه».

أوضح: «مرات لما الحلول بتنفذ، وكتير بواب بتتسكر، بيجي ربنا وبيقول كلمته، لأنه الحل دائمًا عند رب العباد، ورح تهون، ورح تنحل، والله معنا، ومهما طالت رح تفرج، ومهما صعبت رح تهون».

اختتمت: «كل سنة وكلنا بألف خير، وتقبّل الله منا ومنكم صالح الأعمال، ونرجو من الله العزيز الرحيم أن يمنّ علينا بفضله ورحمته وكرمه بفرج قريب، هو القادر على كل شيء، وهو السميع البصير».