حياة كريمة تمنح عاملة تجمع البلاستيك 50 ألف جنيه لسداد ديونها
في حلقة إنسانية جديدة، التقى برنامج “حياة كريمة” بسيدة تعيش ظروفًا اجتماعية ومادية صعبة، وغير قادرة على سداد الديون ومصروفات معيشة أبنائها، حصوصًا بعد وفاة زوجها.
بدأت القصة حينما رصدت كاميرا “حياة كريمة” سيدة تعمل في جمع البلاستيك والكانز الفارغ، وتقول السيدة: أنا بشتغل في جمع البلاستيك والكانز وببيعه، وجوزي متوفي من 25 سنة، وعندي بنت عروسة متخرجة، وولد بيدرس خدمة اجتماعية. عاملة.
بستنى لآخر الأسبوع عشان أجمع الربح
وأضافت السيدة: بستنى لآخر الأسبوع عشان أجمع الربح، وبكسب في كيلو البلاستيك 15 جنيه، وبجمع الكيلو في يومين، في رمضان بينزلوا سعر البلاستيك والكانز الفارغ، أنا مستمرة في المهنة دي عشان مش مقيدة بوقت ولا مواعيد شغل، وماشية بـ 200 جنيه.. دول مكسب 15 يوم شغل.
بعاني من الشوكة العظمية في رجلي
وتابعت السيدة: أنا بعاني من الشوكة العظمية في رجلي، ومصابة بالانزلاق الغضروفي، وأكتر مكسب كسبته في الشغلانة دي كان 400 جنيه، أنا شايلة هم الفطار.
وعبرت السيدة عاملة جمع البلاستيك والكانز، عن سعادتها حينما أعطاها مقدم البرنانج 50 ألف جنيه، حيث قالت: ربنا سبب وهروح أعالج بنتي عشان عندها شوكة عظمية زيي في رجليها، وبتاخد حقن كورتزون لعلاج رجليها، وهشتري فرختين للفطار، دول رزق العيال، أنا كنت مستعجلة وعايزة أمشي عشان جارتي في المطرية عاملة إطعام وهتديني وجبة.. لكن دلوقتي أنا فرحانة الحمد لله وهجيب للولاد لبس جديد وكل اللي هما عايزينه.
