زوجة الراحل إبراهيم شيكا تحذر من استغلال أبنائها بعد وفاته

شاركت هبة أيمن أرملة لاعب الزمالك الراحل، إبراهيم شيكا، متابعيها برسالة عبر خاصية «استوري» على إنستجرام، أعربت فيها عن غضبها الشديد من أي محاولات لاستغلال أبنائها بعد وفاة زوجها.

وكتبت في منشورها: «افتكرتوا فجاءه أن أبراهيم مات، مش دي العيال الي قولتوا دول مش عيال اخويا دلوقتي بقوا عيال اخويا زي ولادي ايه السبوبة خلصت وجيه وقت ولادي في أنكم تستغلوهم».

وتابعت: «ملخص القصه والهري الي هيفكر يقرب العيالي او يدعي محبتهم هيشوف مني وش هفتفاجي بيه احنا الاتنين العيال دي عيالي أنا وابراهيم وابراهيم الله يرحمه في الجنه ونعيمها يبقي محدش يحك وينزل صور العيالي كفايه بقا قرف واصطناع المحبه الي مش لايقه علي سواد قلوبكم دي ومتحلموش تقربوا لي عيالي حتي في أحلامكم».

ذكرى ميلاده

وفي وقت سابق، حرصت هبة على إحياء عيد ميلاده والد أطفالها، بكلمات مؤثرة، معبرة عن حزنها الشديد على فراقه حتى الآن.

وقالت أرملة إبراهيم شيكا: النهارده عيد ميلاد إبراهيم، عيد ميلاده الـ29، بس هو مبقاش موجود معانا، عيد ميلادك ده هيعدي عليك من غير وجع وحقن، من غير سرطان يا حبيبي، لكن علينا أصعب يوم في الدنيا.

وتابعت: إزاي مبقتش موجود، وإزاي في لحظة مشيت كده؟ إزاي عدى عليك 9 شهور مش موجود في الدنيا؟ إزاي هتفضل غايب حاضر في قلبي لآخر نفس فيا، كل سنة وعيدك في الجنة يا حبيبي، تعوض شبابك في الجنة. 

وأردفت هبة أيمن: اللهم أطعمه من الجنة، واسقه يا رب من الجنة، وأره مقعده في الجنة. اللهم عافِه واعفُ عنه، وأكرم نزله، ووسع مدخله، واغسله بالماء والثلج والبرد، ونقِّه من الذنوب والخطايا كما يُنقَّى الثوب الأبيض من الدنس يا رب.

وأضافت: وحشت أنس وكيان أوي يا إبراهيم، وحشتنا أوي، مفتقدينك والله العظيم. كل حاجة ناقصة من غيرك، ربنا يجمعنا بيك يا غالي، ويهون علينا الدنيا في غيابك، مكانك هيفضل موجود بينا يا حبيبي.. نسألكم الفاتحة لفقيدي وزوجي الغالي إبراهيم شيكا.