هالة فاخر عن الرجل البخيل: «يتضرب رصاصتين ويروح في داهية»
أثارت الفنانة هالة فاخر الجدل بتصريحاتها حول الصفات التي لا يمكنها تحملها في الرجل، وعلى رأسها البخل، موضحة وجهة نظرها في موازين القوى داخل البيت.
وقالت هالة فاخر خلال لقائها ببرنامج «بين السطور» المذاع على شاشة «TEN»: «أسوأ حاجة إن الست تحط رأسها برأس الراجل، لا الراجل راجل والست ست والندية مش كويسة».
لكنها انتقدت صفة البخل، معبرة عن رأيها فيها بنبرة حادة: «الراجل البخيل يتقتل على طول ملهوش حل غير كده، لا يتغز ويضرب رصاصتين ويروح في داهية أصله هيبقى بخيل في كل حاجة، في مشاعره وفلوسه وكل حاجة».
وعن العنف الزوجي، قالت هالة فاخر: «الراجل اللي يضرب مراته مش راجل أصلا»، لتلخص بذلك رؤيتها للرجولة الحقيقية التي لا تكتمل في نظرها بالبخل أو مد اليد.
رؤية هالة فاخر للعلاقات الزوجية
تحدثت الفنانة هالة فاخر عن رؤيتها للعلاقات الزوجية والاجتماعية، مشيرة إلى أن نظرتها للحياة تأثرت بالتجارب التي مرت بها.
وأوضحت هالة فاخر خلال لقائها ببرنامج «بين السطور» المذاع على شاشة «TEN»، أن القيم في المجتمع اختلفت قائلة: «مفيش ولا حب ولا الكلام ده، العلاقات كلها مصلحة ووجهة نظري دي على اللي أنا شوفته من تجاربي في الحياة، الناس اتغيرت مبقاش فيه تربية ولا احترام».
وعن قرار الانفصال، قالت: «قرارات الانفصال بتبقى صعبة لكن في نفس الوقت مريحة، وفي تجربتي كانت مريحة جدا طالما أنا قادرة إني أمشي بولادي وأربيهم كويس لا آخد خطوة الانفصال عادي جدا».
كما وجهت تحذيرا من الضغط على المرأة: «لكن الست اللي تبقى محووجة للراجل وتعيش معاه عشان خاطر عيالها ويصرف عليها بتيجي في الآخر وتقتله وتقطعه حتت.. لا نمشي بالمعروف أحسن».
كشفت الفنانة هالة فاخر عن تفاصيل مشوارها الشخصي والمهني، مؤكدة أنها رغم النجاح الكبير في الفن، إلا أن الحظ لم يحالفها بنفس القدر في حياتها الخاصة.
حياة هالة فاخر الخاصة
وقالت هالة فاخر خلال لقائها ببرنامج «بين السطور» المذاع على شاشة «TEN»: «حظي كان وفير في المشوار الفني ولكن على المستوى الشخصي الحظ مش هيبقى حلو في كل حاجة، ده نتيجة العبط والثقة الزيادة في ناس مش محل ثقة».
وتابعت: «كنت بحب بسرعة ومشغلة قلبي أكتر لكن اتعلمت خلاص.. الحياة بلا رجل ممتعة وده بجد هما بيعملولنا إيه؟ ولادي هما اللي سندي وضهري»، موجهة نصيحة لكل امرأة قائلة: «اخرجي مع صحابك اشتغلي لكن الرجالة بيعملولنا إيه؟».
