«الجاموسة هتموت من كتر الحلب».. محمد علي خير يعلق على زيادة الأسعار

فتح الإعلامي محمد علي خير، ملف مطالبات شركات الاتصالات في مصر بزيادة أسعار خدماتها، محذرا من التبعات الاقتصادية على المواطن الذي لم يعد يتحمل مزيدا من الأعباء، وموجها نداء للحكومة بضرورة الضبط والربط في الأسواق.

مكسبكم زي الفل.. انتقادات لشركات الاتصالات

وعبر «خير» عبر برنامجه «المصري أفندي» المذاع على قناة «الشمس»، عن استنكاره لتوجه الشركات نحو زيادة الأسعار رغم تحقيقها أرباحا كثيرة، قائلا: «شركات الاتصالات تعتزم التقدم بطلب للحكومة لزيادة الأسعار.. طب ليه؟ ما إحنا مكسبنا كشركات الاتصالات زي الفل بدليل الأرباح اللي بتروح للبورصة وفي الميزانيات بتاعتكم المعلنة.. هو إحنا ليه عند أول تكة لازم أزود على المواطن؟».

محمد علي خير يحذر من الضغط على المواطن

واستخدم محمد علي خير تشبيها لتوضيح حجم الضغوط التي يتحملها المواطن المصري، قائلا: «يقال إن الجاموسة ليها قدر من الحلب يوميا، لو حلبتها أكتر من كده هتموت.. فكفاية على المواطن».

وحذر من ما سيحدث إذا فتح الباب للزيادات: «طبعا هتدخلك شركات الأدوية هتقولك أصلي يا باشا الدولار زاد، أصلي يا باشا كذا، كله هيوقف على باب الحكومة يقولك عايز أزود عايز أزود».

أزمة غياب الرقابة

وأشار محمد على خير إلى الفوضى في تقدير الزيادات بقطاعات أخرى مثل المدارس، معقبا: «الباص بتاع مدرسة ابنك حمادة، مفروض تعريفة الباص كل 1000 تدفع فيه 20 جنيه، هتروح المدرسة هيقولك لأ.. كل 1000 تديني عليها 10%.. يعني لو باص حمادة في السنة 10 آلاف أنا عايز ألف زيادة أو ألفين.. لازم ضبط وربط».

مبادرة الـ 10 سلع ونداء للدكتور مصطفي مدبولي

وناشد الإعلامي محمد علي خير رئيس مجلس الوزراء الدكتور مصطفى مدبولي، مطالبا بتدخل حكومي حاسم لحماية السلع الاستراتيجية، قائلا: «أنا بناشد الحكومة بإيه؟.. ثبتي أسعار 10 سلع وأنتي اللي تحددي سعرها.. سلع أساسية لا يمكن للمواطن أن يستغنى عنها».

وشدد على ضرورة عدم تحريك أسعار هذه السلع إلا بالتنسيق المسبق مع الدولة، وحدد القائمة المطلوبة في 10 سلع أساسية وهي الزيت والأرز والسكر والسمن والشاي والدقيق والفول والمكرونة والبيض والحليب بالإضافة إلى العيش كعنصر أساسي.