بعد نجاح مسلسل بيبو.. هالة صدقي: "معرفش بيهاجموا كزبرة ليه مع أنه موهوب" |حوار
تألقت الفنانة هالة صدقي في تقديمها شخصية الأم الصعيدية بـ مسلسل بيبو، الذي يُعرض في موسم رمضان الحالي، بالتعاون مع الفنان أحمد بحر الشهير بـ كزبرة، ولذلك أجرى موقع نيوز رووم مع الفنانة هالة صدقي حوارًا صحفيًا لتكشف من خلاله عن كواليس تعاونها مع كزبرة.
وإليكم نص الحوار:
س: ما الذي جذبك في تقديم شخصية إنعام؟
ج: شخصيه جديدة جدا عليا لأن هي الست الصعيدية اللي أصلها من الغجر وشرسة شوية.
س: كيف حضرت هالة صدقي لشخصية إنعام من حيث الملابس والطريقة؟
ج: طبعا غير أن في فريق بحث وتخصصهم انهم يشوفوا التفاصيل دي أنا بدور بدقة وببحث وبتأكد بنفسي علي تفاصيل الشخصية وبتناقش معهم لحد ما نوصل لمرحلة ان ده أفضل شغل هيطلع.
س: كيف كان التعاون مع كزبرة خاصة أنها كانت البطولة الأولى المطلقة له، هل شعرتِ بتردد؟
ج: لا خالص وواجبي زي ما أول ما بدات ولاقيت نجوم كبار زي هدي سلطان وعبد المنعم مدبولي ما وقفوا معايا فده واجبي دلوقتي أننا نساند الشباب وخصوصًا أن كزبره موهوب بالفطرة والتلقائية.
س: ناس كتير هاجمت كزبرة بعد عرض المسلسل، ما تعليقك ووجهِ كلمة لـ كزبرة؟
ج: ما اعرفش والله هاجموه ليه، مع أنه فعلا شاب موهوب، وبقوله مبروك وان شاء الله اللي جاي أحسن.
س: ما التحدي الذي كان أمامكم في مسلسل بيبو؟
ج: الناس كلها لما شافت أن أنا وكزبرة سوا قالوا أنه عمل كوميدي، وعشان كده كان لازم نركز أوي لأنه عمل درامي.
س: مازال الجمهور يناديكي بـ الملكة صفصف.. ما السبب في تعلق الجمهور بشخصية صفصف؟
ج: نجاح صفصف مافيش اي نجاح هيغطيه وصعب الوصول لنجاحه، لكن مين عارف ربنا يبعت دور زيه ومخرج زي محمد سامي.
س: ما رأيك في خناقات الأعلى اجرًا ومشاهدة المتصدرة رمضان 2026؟
ج: النجم الحقيقي لا يمكن يتقيم باجره لكن يتقيم بنجاحه وحب جمهوره ، ولكن المستفيد من المنافسة دي هو الجمهور.
س: هل السوشيال ميديا نعمة ولا نقمة؟
ج: أحنا بنستخدمها الغلط فبنحاولها لـ نقمة.
س: بعد إبراز قضايا محكمة الأسرة في رمضان 2026.. ما هو رسالة الفن بالنسبة لك؟
ج: في مواضيع كتيرة ومهمة جدا وممكن تغير قوانين وبعض السلوكيات السلبية وده واجبنا ورسالتنا نسلط عليها الضوء.
