كارولين عزمي عن الجمال: ياسمين صبري بالمركز الأول ويارا السكري في الأخير

وقعت الفنانة كارولين عزمي، ضحية في برنامج رامز ليفل الوحش، الذي يقدمه الفنان رامز جلال، عبر شاشة قناة MBC مصر، المذاع عقب أذان المغرب مباشرةً.

وطلب رامز جلال من كارولين عزمي ترتيب قائمة تضم الفنانة ياسمين صبري ويارا السكري وميرنا نور الدين من حيث الجمال.

وكشفت كارولين عزمي، عن الترتيب قائلة:"ياسمين صبري، والتانية ميرنا نور الدين عشان صاحبتي".

وقال رامز جلال أثناء تقديم كارولين عزمي كضحية جديدة: " في الشر معنديش ضمير، انهاردا أنا جاي أحذر مش جاي أهزر، إلى كل نجمات الجيل الحالي، في مزة طالعه حته مش هتشوف زيها في أي حته، البت امبارح كانت لسه بالبافته وبتعمل بدل المسلسل سته، فرضت نفسها على الساحة، وبقت مطلوبة وكل اللي بينافسوها حدفت عليهم طوبة". وأضاف رامز جلال قائلًا: " وبما إني متحيز لجيلي قولت لازم البت دي تجيلي، عشان أوقفها عند حدها وأكمل جميلي، لو عملالي فيها عايقة عتطلعي من عندي مضايقه".

وتابع رامز جلال قائلًا: "أنا أسف لكل اللي معجب بيكي، البت دي هتخرج من عندي مدشملة، سيداتي الأعزاء متقلقوش ومتخافوش جالها اللي بيرود الوحوش، معنا ومعاكم الأنثي اللميع، اللي هتشوف يوم مريع اللي مش هتنسى اسمي، كارولين عزمي". 

رامز ليفل الوحش

واستضاف رامز جلال حتى الآن خلال برنامج رامز ليفل الوحش، كلًا من، غادة عبدالرازق، سماح النور، أسماء جلال، هنا الزاهد، مصطفى غريب، عصام صاصا، زيزو، مروان عطية، ومن المقرر استضافة عدد آخر من نجوم الفن والرياضة خلال الحلقات المقبلة، بينهم أحمد السقا وغادة عادل وشيماء سيف وكارولين عزمي ورحمة محسن وبنتايج وغيرهم.

ويترقب الجمهور البرنامج يوميا في الساعة السادسة حيث يعد البرنامج  بالنسبة لهم وجبة مهمة ينتظرونه كل عام في نفس التوقيت على إم بي سي مصر، حيث ينال برنامج رامز جلال كل عام شعبية كبيرة.