منة فضالي تنفي خلافاتها مع ياسمين عبدالعزيز بسبب مسلسل وننسى اللي كان
نفت الفنانة منة فضالي وجود خلافات بينها وبين الفنانة ياسمين عبدالعزيز، بعد تعاونهما سويًا في مسلسل وننسى اللي كان، الذي ينافس في سباق دراما رمضان الجاري.
وقالت منة فضالي في فيديو عبر حسابها الرسمي على إنستجرام : “الفيديو ده أنا بعمله نظرًا للجدل اللي حاصل اليومين اللي فاتوا .. وأنا مش مبسوطة لأن كل واحد بيكتب على مزاجه”
وواصلت منة : “الفيديو ده علشان ياسمين عبدالعزيز .. الست دي أنا بحبها جدًا وبحترمها جدًا .. وعلى المستوى الشخصي والإنساني معنديش أي مشكلة معاها .. لأنها ست مابتعملش مشاكل أساساً .. ومعنديش مشاكل مع أي حد في المسلسل ولا الشركة المنتجة”.
وأكملت منة فضالي : “ممكن يكون عندي مشاكل تانية ملهاش علاقة بحد معين .. وبباركلها على جليلة وببارك لكل أبطال المسلسل .. وبدل ما نقعد نكتب كلام مش لذيذ اكتبوا رأيكم فيا وفي شغلي وفي زمايلي .. ومش عايزة جدل كتير وكلام كتير أنا ماقولتوش .. وأنا بحبكم جدًا وبشكركم على التعليقات والرسايل اللي بتجيلي”.
يُذكر أن مسلسل وننسى اللي كان يدور في إطار رومانسي تشويقي، وهو مكون من 30 حلقة، وبطولة ياسمين عبدالعزيز، كريم فهمي، شيرين رضا، خالد سرحان، محمد لطفي، ليلى عز العرب، منة فضالي، إدوارد، إيهاب فهمي، محمود عمرو ياسين، إلهام وجدي، إنجي كيوان، وغيرهم من الفنانين، والعمل تأليف عمرو محمود ياسين وإخراج محمد الخبيري.
