بينفذوا رأس الأفعي"أنس ورفقائه".. يطلقون حملة لمنع تحويلات المصريين من الخارج
علّق الكاتب الصحفي لؤي الخطيب، على دعوات أنس حبيب عن منع التحويلات من الخارج، وللمصريين في الداخل إنهم يسحبوا ودايعهم من البنوك ويمتنعوا تمامًا عن الإيداع أو التعامل مع النظام المصرفي، مؤكدًا أن تلك الدعوات توضح أن مسلسل راس الأفعى كان يقوم بنقل الواقع.
وجاء ذلك عبر تغريدة نشرها على صفحته الرسمية بمنصة "إكس" قائلًا: "الواد أنس مطلع دعوة للمصريين في الخارج إنهم يمنعوا التحويلات، وللمصريين في الداخل إنهم يسحبوا ودايعهم من البنوك ويمتنعوا تماما عن الإيداع أو التعامل مع النظام المصرفي".
وأضاف أن "أي حد قرا ٣ سطور في أي بوست حتى عن الاقتصاد، هيبقى فاهم إن خطوات زي دي لو اتنفذت، هتعمل كارثة اقتصادية على دماغ الشعب نفسه".
متسائلًا:" هو الواد أنس بقى شغال معانا فبيثبت إن مسلسل راس الأفعى كان بينقل الواقع؟ ولا انتم مش عارفين تصبروا على الشر ولو كام يوم لحد ما المسلسل يخلص"
وفي وقت سابق علّق الكاتب الصحفي لؤي الخطيب على الفيديو الذي نشره أنس حبيب ودعا فيه إلى وقف تحويلات المصريين بالخارج، مقدّمًا تحليلًا مفصلًا لمزاعم المصري الهارب ومشددًا على خطورة ما يروج له.
وقال الخطيب في منشور عبر منصة «إكس»: «الواد أنس عمل فيديو بيدعو فيه المصريين في الخارج "لقطع شريان الحياة" عن النظام، اللي هو إيه؟ تحويلات المصريين في الخارج».
وتابع: «قال لك السنادي بس جالهم ٣٠ مليار دولار، فامنعوا التحويلات وادوها لناس برا يدا بيد، وهما يسلموها لأهلكم في مصر».
30 مليون دولار
وأضاف: «طبعا اللعبة دي حاولوا يلعبوها زمان والمصريين علموهم الأدب ورفضوا يضروا بلدهم، لكن هنا في ملحوظتين: الأولى، إن الواد أنس مصدق موضوع الـ٣٠ مليار دولار، مع إن اللي أعلن عنه هي الدولة، وطالما صدقت المعلومة دي يبقى لازم تصدق إن الاحتياطي الأجنبي تخطى الـ٥٠ مليار دولار لأول مرة، وإن النمو قفز لـ٥.٣٪ لأول مرة من ٥ سنين، وإننا كنا بنحقق فوائض دولارية في بعض الشهور اللي فاتت».
وأوضح بقوله: «وهنا مهم نسأل: ليه انت عايز توقع نظام محقق النجاحات دي؟ ليه عايز تطربق البلد فوق دماغ الناس؟ انت لو معارض وطني مش هتعمل كده، لكن لو جاسوس موتور يبقى الموضوع منطقي جدا، وماتنساش إن انت بنفسك اللي صدقت المعلومات الصادرة عن مؤسسات الدولة!».
وأردف بقوله: «الملحوظة التانية، هو انتت يا أنس عايز تمنع الدولارات اللي احنا بنستورد بيها القمح والسلع الغذائية والمواد البترولية لصالح مين وضد مين؟».
وأشار بقوله: «طب بلاش لصالح مين علشان مانحرجكش، بس ضد مين؟ هل النظام اللي هيتضرر ولا الناس اللي مش هتلاقي السلع دي ولما تلاقيها أسعارها هتضرب في السما؟».
واختتم الخطيب منشوره قائلاً: «الواد أنس زيه زي يحيى موسى، كل ما ينطقوا يفضحوا الكراهية والسواد اللي جواهم ضد البلد، بسبب مستوى الذكاء المحدود اللي عدى كل الحدود، دي نعمة عظيمة».
