أنوسة كوتة: بشتغل شغل رجالة علشان خاطر ابني وخسرت كل حاجة
أعربت مدربة الأسود أنوسة كوتة عن حزنها، مشيرة إلى أنها تعيش فترة صعبة وخسرت كل شيء.
وكتبت أنوسة كوتة عبر حسابها بموقع فيسبوك: “أنا في العادي بمشي… مش بس جنب الحيط.. لأ ده كمان جوه الحيط نفسه.. وبراعي ربنا في كل حاجة حتى في أكتر وقت محتاجة حد يطبط عليا كنت بنسي نفسي وبطبطب علي اللي حواليا عشان كنت بقول لنفسي: يمكن ربنا شايف… ويمكن ربنا هيجبر بخاطري”.
وأضافت أنوسة كوتة أرملة الملحن الراحل محمد رحيم: "والله بشتغل شغل صعب بتاع رجالة وبشقي بجد وبنام في التراب عشان خاطر آكل العيش وبربي ابني بالحلال كل اللي شافني قال:إنتي هتشتغلي نار… بس خلي بالك من فلوسك وأنا دلوقتي بقولك: أنا خسرت كل حاجة.. بجد نفسي ألحق افرح بحاجة واحدة بس قدر الله وما شاء فعل…والعين حق".
وكان الملحن محمد رحيم زوج أنوسة كوتة قد توفي في شهر نوفمبر عام 2024 عن عمر ناهز 44 عامًا بعد أزمة صحية مفاجئة.
