البلدوزر: أوضة لبس الاهلى بايظة.. وقرار ياسين منصور وعبد الحفيظ حبر على ورق

يري مجدى عبد الغنى نجم الاهلى ومنتخب مصر الأسبق أن أوضة اللبس في الاهلى مليئة بالمشاكل.
وقال مجدى عبد الغنى الذى يحل ضيفاً على برنامج "النجوم في رمضان":"أوضة لبس الاهلى بايظة ، الخسارة اللى بتحصل للاهلى دى عشان الناس مش بتحب بعضها ، لازم النفوس تبقى سالكة عشان الدنيا تمشى".

وتابع البلدوزر:" قرار منح صلاحيات لياسين منصور وسيد عبد الحفيظ حبر على ورق ، مفيش حاجة هتحصل ، الأمور ماشية في النادى بالاعتماد على أهل الثقة وليس أهل الكفاءة والخبرة".

ويضيف مجدى عبد الغنى:"يهمنى مصلحة الاهلى ، في ناس ماسكة مناصب في الاهلى مش بتشجع الاهلى ، واحنا بره ، انا مثلا بشجع الاهلى وانا عندى 5 سنين ".

وتُقدم الإعلامية الكبيرة نجلاء حلمي برنامج "النجوم في رمضان" عبر إذاعة الشباب والرياضة، ويترأس فريق تحريره الكاتب الصحفي وليد قاسم ويذاع أيام الجمعة والسبت والأحد والثلاثاء طوال شهر رمضان المبارك.