نجل هشام سليم يكشف تجربته مع التحول: لسه مكتوب في بطاقتي أنثى ومصر مابتحبنيش

خصص نور نجل الفنان الراحل هشام سليم فقرة يرد فيها على أسئلة متابعيه، وأجاب على عدد من الأسئلة منها عن تفاصيل تحوله من أنثى لذكر والتحديات والصعوبات التي واجهته.

سأله أحد المتابعين عن شعوره بعد تحوله من أنثى لذكر ليرد: “لحظة معتقدش إني هقدر اشرحها.. زي لو أنت على مركب في نص البحر والماتور مش شغال وبقالك 23 سنة في المياه ومفيش حد بينقذك وتعبان ومرة واحدة شفت نيويورك.. شعور تحفة”.

وعن سبب سفره بالخارج وتركه لمصر قال: “لو البلد كانت معيشاني عادي، كنت هعيش عادي.. أنا مصري وبحب مصر بس مصر ما بتحبنيش”.

وكشف نور أنه لم يستطع أن يغير أوراقه الرسمية في مصر، حتى ان بطاقته مكتوب عليها أنثى وليس ذكر.

كما كشف نور هشام سليم عن دراسته، وقال إن درس التمثيل قسمي السينما والمسرح.

وعن سبب عدم عمله في التمثيل رغم دراسته للتمثيل، قال: “أبويا كان دارس سياحة وفنادق وطلع ممثل.. مش غريب تدرس حاجة وتعمل حاجة تانية.. وفيه ناس عرفتني لأني ابن هشام سليم.. ودي حاجة مكانتش عجباني ويفه ناس طلعت عليا إشاعات وقالت أني اتجوزت حفيدة فيفي عبده”. 

وأعرب نور هشام سليم عن استيائه من الأسئلة حول شكل الأعضاء التناسلية للمتحولين، وقال: “أنا أنا هتكلم عن الموضوع ده مرة ومش هتكلم عنه تاني، أنا فاهم إني فيه فضول، لكن إحنا بني آدمين والسؤال محرج.. ده مش سؤال يتسأل للناس.. أنا بني آدم ولازم تحطوا نفسكم مكاني أنتم بتعاملونا كأننا مش بني آدمين بأحاسيس.. وفي حاجات مش هنرد عليها ما بين الناس كلها.. دي حاجات ما تخسش أي حدج غير مراتي والدكتور بتاعي”.