زوجة اللاعب أحمد رمضان بيكهام تدافع عن محمد الشناوي: الراجل طلع مظلوم
أثارت الإعلامية سلمى الجابري، زوجة اللاعب أحمد رمضان بيكهام، تفاعلًا واسعًا على مواقع التواصل الاجتماعي بعدما نشرت عبر خاصية «ستوري» على موقع التواصل الاجتماعي «إنستجرام» رسالة تدافع فيها عن حارس مرمى النادي الأهلي ومنتخب مصر محمد الشناوي، على خلفية الجدل المتداول مؤخرًا بشأن صور منسوبة إليه مع سيدة تدّعي زواجها منه سرًّا.
وكتبت الجابري في منشورها: «اول مرة هبقى مع الرجالة بس عشان هقول حاجة حصلت معايا شخصيا البنت دى اسمها رنا من سنتين بتبعتلى رسايل ومكنتش بفتحها وبتقولي كلام حلو وانا مبكسفش حد بصراحة وبتنزلي صورى ديما او اي بوست انا بنزلو اكننا صحاب ومكنش عندى مشكلة وشوفت الصورة دى عندها وكانت هي بنفسها قايلالي انها AI».
وأضافت: «هي ممكن البنت نفسها متكونش كانت عايزة تعمل كده بس تفاهة الصحفيين خلوها تكمل وممكن متكونش متزنة نفسيا لان دى مكنتش اول مرة اشوف صورة بالـ AI مع لاعب».
واختتمت منشورها: «لما سمعت الموضوع مكنتش مهتمة اشوف الصورة وكنت شايفة زي كل الناس ان البنت هتكدب لية وان مش جديد دى اصلا حوارات اللعيبة وال lifestyle بتاعهم بس سبحان الله في راجل طلع مظلوم».
وأثارت فتاة تدعى رنا أحمد حالة من الجدل بعد منشور مطول نشرته عبر حسابها على موقع إنستجرام، تحدثت فيه عن تفاصيل علاقتها مع حارس مرمى الأهلي ومنتخب مصر محمد الشناوي، مؤكدة أنها ظلت صامتة لفترة طويلة احترامًا لنفسها قبل أن تقرر كشف ما وصفته بالحقيقة.
وقالت رنا في منشورها: «أنا سكت فترة طويلة احترامًا لنفسي، لكن كفاية لحد كده، مع إني كنت بشوف كومنتات سلبية وناس بتهاجمني، قررت أتكلم وأوضح الحقيقة اللي حصلت بيني وبين محمد الشناوي».
أضافت: «ما كانش مجرد تعارف أو كلام عادي، الموضوع وصل لارتباط وجواز بشكل سري، وعمر صاحبه كان شاهد على كل حاجة وشاهد على جوازنا، أنا وافقت على الكلام ده لأني صدقته لما قاللي وأكد لي إنه بعد فترة من جوازنا هيعلن، بعد فترة الأمور اتغيرت وبدأ يحصل ضغط عليّ علشان أفضل ساكتة وما أتكلمش».
وتابعت: «لما قلت إني ممكن أكشف الحقيقة، تم تهديدي إنهم هيرفعوا علي قضية تشهير، وبعد ما شافوا إني مصممة على قراري، بعت لي شخص اسمه كريم رزق مدير السوشيال ميديا السابق في النادي وصاحبه عموما، وعرض عليّ فلوس مقابل إني أسكت وما أتكلمش».
استكملت رنا أحمد: «أنا محتفظة بكل الرسائل والفيديوهات من إنستجرام وواتساب اللي تثبت كلامي ده، وهنزلها كلها، وأنا ما بقولش الكلام ده علشان أعمل مشاكل أو ألفت الانتباه، لكن علشان أوضح الحقيقة وأدافع عن نفسي بعد كل اللي حصل، ولو اضطر الأمر هعرض كل الأدلة بالطريق القانوني علشان حقي يظهر قدام الناس، وأنا كلمت المحامي بتاعي».
المنشور أثار تفاعلا واسعا على مواقع التواصل الاجتماعي، خاصة مع تأكيدها امتلاك أدلة قالت إنها ستكشف عنها لاحقا.
أول تحرك للشناوي
وعقب تصريحات الفتاة تواصل نيوز رووم مع مصدر مقرب من محمد الشناوي وكشف مصدر عن أول تحرك قانوني لمحمد الشناوي حارس مرمى منتخب مصر والنادي الأهلي، بعد اتهامه بالجواز في السر من البلوجر رانا أحمد.
وأشار المصدر أن حارس الأهلي والمنتخب الوطني محمد الشناوي، سيتخذ كافة الاجراءات القانونية ضد البلوجر رنا أحمد لنفي زواج الحارس منها.
حذف الاستوري والفبركة
وعقب نشر نيوز رووم تصريحات المصدر المقرب قامت البلوجر رنا أحمد بحذف الاستوري نهائيا خاصة بعد أن كشف الخبير التكنولوجي المهندس محمد مغربي عن فبركة صورها مع الشناوي بالذكاء الاصطناعي
وكتب عبر صفحته صور الشناوي المنتشرة حاليا مع فتاة (تدعي) انها مراته مش حقيقية ومتفبركة ببرامج AI
وياريت كل واحد شاكك في صورة أو عاوز يتأكد منها يستخدم مواقع وأدوات متخصصة في التحقق من الصور ومعرفة هل هي حقيقية أم مولدة بالذكاء الاصطناعي
أفضل الأدوات حاليًا تعتمد على تحليل البكسل والـ metadata وأنماط التوليد الخاصة بنماذج AI مثل Stable Diffusion وMidjourney
بيان رسمي من المحامي
وعقب ساعات قليلة أصدر مكتب محمد واصل محامي الشناوي بيانا رسميا جاء كالتالي: سنقوم باتخاذ كافة الإجراءات القانونية ضد أحد المدعين بنشر أخبار كاذبة من أجل التشهير والشهرة وأننا سوف نستمر بملاحقة تلك التداعيات غير الأخلاقية وغير الصحيحة والمفبركة بالكامل
