ناقدة رياضية تدلي بشهادتها
«نور» عن ادعاء فتاة زواجها من محمد الشناوي: «فيك ورمت نفسها على اللاعبين»
نشرت الناقدة الرياضية المهتمة بشؤون النادي الاهلي نور محمد عبر حسابها على فيس بوك روايتها عن الواقعة المتعلقة بفتاة تدعي انها تزوجت من حارس مرمى الأهلي محمد الشناواي، مؤكدة أن الفتاة كانت تحاول دخول النادي ومقابلة اللاعبين بأساليب احتيالية، وأن معظم صورها على وسائل التواصل الاجتماعي مزيفة وتُظهرها بشكل مختلف عن الحقيقة.
وروت نور محمد تفاصيل عن محاولات الفتاة المستمرة للتواصل مع بعض الأشخاص لدخول النادي والتصوير مع اللاعبين، مشيرة إلى أن تصرفاتها تضمنت الكذب والتحايل على الآخرين.
وقالت نور محمد على فيس بوك: «بخصوص البت الفيك دي، أنا من سنتين كده كنت رايحة النادي ومحمد خضر شاهد على ما أقوله، كانت واقفة عند البوابة وجاية من بلدتها وعايزة تشوف كل اللاعبين».
أضافت: «أنا دخلت أنا وزيكا نشوف معلول واتصورنا مع معظم اللاعبين، وهي كانت برا هتموت وتخش وتتَحايل علينا عشان ندخلها مع الأمن، ودخلناها تتصور وخدت رقم واحد كده عشان يدخلها، وبقت كل يوم تتصل بيه وتكلمه عشان يدخلها النادي تتصور مع اللاعبين».
وتابعت: «كل صورها فيك حرفيا، أقسم بالله، وبتعدل في شكلها، وكمان بترمي الناس بالباطل والكذب، ومحمد زيكا شاهد على كلام كتير أوي منها، وإنها هتموت وتكلم الشناوي بأي طريقة، وكمان ماشية في سكة غلط جدا وعايزة تلبسه فيها بالعافية، وكانت بترمي نفسها على منعم وكان من فضلها، مشوفتش واحدة عايزة تتشهر بالطريقة دي بجد، ولو هي صح، تطلع إثبات إنها اتجوزته، ولو غلط مبروك عليكي الحبس».
وأثارت فتاة تُدعى رنا أحمد حالة من الجدل بعد منشور مطول نشرته عبر حسابها على موقع إنستجرام، تحدثت فيه عن تفاصيل علاقتها مع حارس مرمى الأهلي ومنتخب مصر محمد الشناوي، مؤكدة أنها ظلت صامتة لفترة طويلة احترامًا لنفسها قبل أن تقرر كشف ما وصفته بالحقيقة.
وقالت رنا في منشورها: «أنا سكت فترة طويلة احترامًا لنفسي، لكن كفاية لحد كده، مع إني كنت بشوف كومنتات سلبية وناس بتهاجمني، قررت أتكلم وأوضح الحقيقة اللي حصلت بيني وبين محمد الشناوي».
أضافت: «ما كانش مجرد تعارف أو كلام عادي، الموضوع وصل لارتباط وجواز بشكل سري، وعمر صاحبه كان شاهد على كل حاجة وشاهد على جوازنا، أنا وافقت على الكلام ده لأني صدقته لما قالّي وأكد لي إنه بعد فترة من جوازنا هيعلن، بعد فترة الأمور اتغيرت وبدأ يحصل ضغط عليّ علشان أفضل ساكتة وما أتكلمش».
