محمد عبد الوهاب: العقوبات المادية مش هتنفع مع نجوم الاهلى
أكد محمد عبد الوهاب عضو مجلس إدارة النادى الاهلى الأسبق أن فكرة توقيع عقوبات مادية على فريق الاهلى لن تجدى .
وقال محمد عبد الوهاب الذى يحل ضيفاً على برنامج "النجوم في رمضان" :"الفرقة دي مش عايزة عقوبات ، واضح ان مش في دماغهم ، لازم يتركنوا على الدكة واللى يزعل يتقاله هات عرض وامشى ، الباب يفوت جمل مع ألف سلامة".
ويضيف عضو مجلس الاهلى الأسبق:" سهل نخسر ونتقبل دا كمان لكن مفيش روح خالص دا الغريب ، نلعب بالناشئين زي موسم 84 وهنكسب ، احنا مشى من عندنا الحضري واعتزل ابوتريكة وبركات ووائل جمعة والتوأم وكملنا وكسبنا بطولات".
وتابع محمد عبد الوهاب :"لازم وقفة عنف مع اللاعبين ، الخصم مش بيوجع، مفيش ولاء وانتماء جوه اللاعيبة للنادى".
وتُقدم الإعلامية الكبيرة نجلاء حلمي برنامج "النجوم في رمضان" عبر إذاعة الشباب والرياضة، ويترأس فريق تحريره الكاتب الصحفي وليد قاسم ويذاع أيام الجمعة والسبت والأحد والثلاثاء طوال شهر رمضان المبارك.
