عضو الأهلي الأسبق: روح الفانلة الحمراء اختفت.. ولو لعب الجمهور كانوا أفضل
رأى محمد عبد الوهاب، عضو مجلس إدارة النادي الأهلي الأسبق، أن روح الفانلة الحمراء اختفت في الفترة الأخيرة دون مبرر واضح، معبرًا عن استيائه من مستوى أداء الفريق في المباريات الأخيرة.
وقال عبد الوهاب، في لقاء ببرنامج "النجوم في رمضان":" فين الأهلي يا جماعة؟ فين الروح؟ فين فانلة الأهلي الثقيلة اللي محدش يقدر يلبسها؟ لو جبنا 11 لاعبًا من الجمهور يلعبوا أفضل من اللي لعبوا امبارح".
وأضاف: "مش دا الأهلي اللي موت نفسي عشانه مبقتش أشوف مبارياته بسبب الحالة دي".
هيتسحروا فين
وتابع:" شوفت مصطفى يونس وهو بيعيط واحنا مغلوبين، مشوفتش حد زعلان امبارح، كانوا بيفكروا هيتسحروا فين وهيعملوا إيه على السوشيال".
ويقدم البرنامج الإعلامية نجلاء حلمي عبر إذاعة الشباب والرياضة، ويترأس فريق تحريره الكاتب الصحفي وليد قاسم، ويذاع أيام الجمعة والسبت والأحد والثلاثاء طوال شهر رمضان المبارك.
