سلوى محمد علي عن واقعة "بدلة الرقص": الفن بريء وبناخد شغلنا من الواقع

تحدثت الفنانة سلوى محمد علي عن واقعة بدلة الرقص، بقرية ميت عاصم، التي تخص الشاب إسلام الذي أجبره عدد من الأشخاص قي خصومة معه على التجرد من ملابسه وارتداء بدلة رقص.

ونفت الفنانة سلوى محمد علي في لقاء على ten كون الواقعة تتعلق بما يحدث في الأعمال الفنية، بعدما ذكر البعض أن السبب ما يحدث في بعض الأعمال من بلطجة، موضحة: "بيتكلموا دلوقت عن حد لبسوه بدلة رقص في الشارع، واتقال أصل ده اتعمل في مسلسل.. زمان كان فعلا بيلبسوا المهزوم في خناقة طرح... أو يقولوا له : "قول أنا ست" احنا بناخد شغلنا من الناس مش العكس.. محدش ألف والفن مخترعش، دي حاجات موجودة والفن نقلها".
 

من جانب آخر، قالت الفنانة سلوى محمد علي، إن المبالغ التي تصرف في مثل هذه الأمور سنحاسب عليها، موضحة:"لم يشغلني على الإطلاق البرندات واللبس السينيه.. وبعرف أني واثقة في نفسي من كده.. المبالغ اللي بتدفع في "السينيهات والبرندات" حرام، وربنا هيحاسبنا.. أنا شنطي كلها مصرية.. في ناس مضطرة وشغلتها كده، بس أنا الحمد لله مش مضطرة".