الهاني سليمان: محمد شوقي ضربني بالقلم عشان بضيع الوقت
كشف الهاني سليمان حارس مرمى سموحة تفاصيل اعتداء محمد شوقي نجم الأهلي ومنتخب مصر السابق عليه بسبب الأزمة المعروفة عنه باهداره للوقت عمدا أمام منافسيه على مدار مسيرته الكروية.
وقال الهاني سليمان خلال ظهوره مع الإعلامي أحمد شوبير ردا على سؤاله هل في حد من اللعيبة ضربك قبل كده بسبب تضييع الوقت ؟ حصل مرة كنا بنلاعب الأهلي في ستاد القاهرة والدقيقة 80 وخلاص فاصل 10 دقائق وأنا بقى شغال تضييع وقت بطريقه رهيبه والأهلي عمال يضيع وأنا بصد، فرحت وقعت شوية اهدي اللعب كالعادة يعني والدكتور نزلي وإذ فجأة لقيت قلم نازل على وشي، قلت إيه ده في إيه الدكتور بيفوقني ولا إيه وبعدين ببص لقيت محمد شوقي بيقولي خليك كده كل ماتقع والله لضربك لحد الماتش مايخلص".
وأختتم الإعلامي أحمد شوبير حديثه مع الهاني سليمان بسؤاله:" مين الحكم اللي كنت تبقى عارف إنك هتاخد راحتك في تضييع الوقت؟ مفيش ولا حكم وفي واحد قالي أبوس إيدك أنا حاجز قطر".
