سامح حسين: لو الثوابت اختفت من حياتنا هينتشر الظلم بين الناس
قال الفنان سامح حسين، إن حياة الانسان بلا ثوابت ستتحول إلى مركب خشب ضعيفة جدا، يلعب بها موج الأمواج الشخصية، وكل شيء سيكون نسبيا "وكل شيء هتعمله لو عايز تعمله وهينفع متعملوش لو مش ميال إنك تعمله".
متغيرش من مبادئك
وضرب "حسين" مثال: لو مفيش قاعدة واضحة في حياتك بتقول إن إقامة علاقة مع ست متزوجة هو فعلا محرم ومجرم شرعا وقانونا وممنوع هتسيب الحكاية لهواك، يعني: لو الست دي مش عجباك يبقى ميصحش وعيب وده فعل غير أخلاقي، أما لو الست عجباك هتلاقي ألف مبرر.
وأضاف، خلال الحلقة الـ18 من برنامج “قطايف” أن من المبررات: هو الجواز علاقة تملك، أو ممكن تقول أصل بحيها وبتحبني وممكن تقول ليه الراجل يقدر يتجوز أكثر من الست وليس العكس، موضحا أن هذه الافتراضات ليست خيالية، فهي ليست من وحي الخيال، "كل الكلام ده في ناس قالوه بجد عشان يبرروا بيه أفعالهم.. كل واحد بيشرب الشاي مظبوط بطريقته".
إي اللي هيحصل لو اختفت الثوابت من حياتنا؟
وتابع حسين: لو سافرت الصين واشتريت كيلو حمة من هناك، وارد تلاقيهم بيبيعو اللحمة في أطباق مغلفة، وعندنا هنا الجزارين بيبيعوها في أكياس ورق، وارد اللحمة عندم مفيهاش دهون كتير لكن عندنا فيها دهون كتير، كلها احتمالات متغيرة، لكن الشيء المؤكد أن الكيلو هناك ألف جرام زي أي مكان في الدنيا لأن ده مقياس ثابت زي المتر 100 سم والساعة 60 دقيقة.
وواصل: تخيل لو المقاييس الثابتة تُركت للهوى الشخصي، يعني لو رايح تشتري حتة أر ض 100 متر الراجل أعطاك حتة بإحساسه من غير قياس، طلعت 120 حظك حلو.. طلعت 80 حظك وحش.
وبين: لو الثوابت اختفت، هتبقى فوضى وينتشر الظلم، تخيل إن في ناس عايزا تلغي كل الثوابت وتحكم الهوى وقانون الهوى هو قانون سائد في ممالك تانية لكن مش في مملكة الانسان.
