رحمة أحمد تكشف كواليس مكالمتها مع عبلة كامل: "أم وفنانة عظيمة"
كشفت الفنانة رحمة أحمد عن تفاصيل المكالمة التي جمعتها بالفنانة الكبيرة عبلة كامل، مؤكدة أن اللقاء الهاتفي كان مليئا بالنصائح والدروس المهمة، وذلك خلال لقائها مع الإعلامية أسما إبراهيم ببرنامج «حبر سري» على شاشة «القاهرة والناس».
عبلة كامل أعطتني نصائح ذهبية لتطوير مساري الفني
وقالت: «كان السبب في ده دكتور أشرف زكي، كنت لسه طالعة خالص ومربوحة، دكتور أشرف زكي قال لي عايز حد يكون معاه على التليفون، وخلاني أكلمها».
وأضافت «دي فنانة خطيرة، ومن أحلى الحاجات اللي أنا حبيتها قوي لما طلعت مربوحة، قعدت تديني نصائح كتير، هي أم قوي وفنانة عظيمة، علمتني حاجات كتير».
وتابعت رحمة أحمد: «الفنانة عبلة كامل قالت لي، أنا مش بتفرج قوي بس سمعت عنك.. قعدت تديني نصائح إني أتنوع ما بين الأدوار، وإن مش شرط أعمل كوميدي، ممكن أعمل حاجات تانية، فهي ست عظيمة وفنانة كبيرة».
وأكدت الفنانة رحمة أحمد أن العمل مع الفنان محمد هنيدي كان حلم حياتها، مشيرة إلى إعجابها بخفة دم هنيدي وطريقته في التعامل على خشبة المسرح، خلال لقاءها مع الإعلامية أسما إبراهيم ببرنامج «حبر سري» على شاشة «القاهرة والناس».
وقالت: «اشتغلت معاه حبيب قلبي، سواء في فيلم "نبيل الجميل" أو مسرحية "تاجر السعادة"، أنا بحب محمد هنيدي لما بيفتح بقه، مجرد ما بيعمل كده بيضحكني».
وشددت على أنه من أحلامها أن تشارك في عمل معه، مضيفة: «وفعلاً ربنا حققلي الحلم واشتغلت معاه، وضربت معاه خشبة المسرح، وده حاجة مش هينة خالص، أنا بحب أتكلم عن نفسي غالبًا، وكل وقت في رحلة الفنان ليه شكل معين أو حاجة معينة».
وعن تجربتها مع أحمد حلمي، قالت رحمة: «اشتغلت كمان مع أحمد حلمي، وبرضه في ورق ممكن يظلم الممثل، ظروف الإنتاج والمخرج لهم دور كبير، لكن الفنان يظل عنصر مهم في نجاح أي مشروع"، مؤكدة أن هنيدي رغم نجوميته لا يفرض طريقة معينة على الممثلين.
وتابعت: «في آخر عمل لي مع هنيدي، المخرج هو اللي كان يوجهنا. هنيدي ممكن يقترح، لكن ما كانش بيقول لي بالضبط أعمل كده، كممثلة، ممكن أروح للمخرج وأقول أنا عايزة أعمل حاجة بطريقة وشكل ما، وده شيء طبيعي لكل الممثلين».
