عادل زيدان: الشغل مش وظيفة.. هو عبادة ورسالة وأثر في المجتمع

أكد النائب عادل زيدان، عضو مجلس الشيوخ، خلال حلقة من سلسلة برنامج "أصلها ثابت"، أن الشغل ليس مجرد وظيفة أو عقد بينك وبين الشركة، بل هو أمانة بينك وبين الله قبل أي اعتبار آخر، فالضمير والوعي بما تقوم به يجعلان العمل رسالة قبل أن يكون وسيلة لكسب الرزق، ويضع الإنسان في موقف يوازن بين المسؤولية المهنية والأثر الاجتماعي.

الشغل أمانة قبل كل شيء

وأكد النائب عادل زيدان أن "الشغل مش وظيفة، الشغل أمانة بينك وبين ربنا قبل ما يبقى عقد بينك وبين الشركة، والشغل ضمير وعقيدة ووعي باللي انت بتعمله، ومش مستني مرتب آخر الشهر، لكن مستني أثر الشغلانة على المكان اللي شغال فيه، وأجرك من الله بانك تتقي عملك وليس مرتبك".

الشغل متعة وحياة ورسالة

وأضاف زيدان أن "الشغل متعة وحياة ورسالة وروتين محترم فيه تطوير وخبرات عملية واجتماعية واقتصادية، اتمتع وأنت شغال، الشغل رسالة وعلم، واشتغل كأنك تتعامل مع ربنا مش صاحب الشغل، وخلي لك أثر في المكان اللي انت شغال فيه."

الشغل سبب لفتح باب رزق

وتابع أن "الشغل أمانة وعقيدة وعلم وتعلم وخبرات، ولازم يكون سبب في فتح باب رزقك ليك ولغيرك، انت موظف في الشركة، لكن تساهم في إن الشركة تفتح باب رزق لباقي زمايلك، وربنا هيوفقك حتى لو الشركة مش بتديك حقك، وهتلاقي ده في ابنك وزوجتك وصحتك وبيتك، وربنا هيباركلك في القليل لما تعمل اللي عليك وتسيب الباقي على ربنا وتثق فيه".

الإتقان عبادة والأثر يبقى

واختتم زيدان حديثه قائلاً: "اوعى تقول هديهم على قد فلوسهم طالما رضيت بفلوسهم، خلي باقي أجرك مع الله واتقن عملك، لأن إتقان العمل عبادة، وكل جهدك هيترك أثر في المجتمع لأنه مكنة كبيرة وانت ترس فيها".