عمرو أديب للمصريين: أنا بتألم.. وعاوز الحق الفلسطيني في بلده أحق| فيديو

شنّ الإعلامي عمرو أديب هجوما حادا على الكتائب الإلكترونية التي تروج أن عملية استقبال الفلسطينيين من قطاع غزة لتلقي العلاج في الأراضي المصرية.

وأشاد بالدور التاريخي الذي يقوم به اللواء دكتور خالد مجاور محافظ شمال سيناء؛ قائلا: “الراجل دا مش بينام وعليه مسؤولية كبيرة”.

وبشأن عملية استقبال المواطنين الفلسطينيين قائلا: “أنت عندك سينا شراع السفينة، تاخد من الحبايب ملايين، واللي جايين دول في رعاية وعناية الإدارة المصرية، هو جاي يعني علشان حد كرمش لنا قرشين في أيدينا، دول جايين في رعاية مصر، ورئيس مصر، ووزير صحة مصر”.

 كرم المصريين

وتحدث الإعلامي عمرو أديب عن كرم المصريين في عمليات الدعم غير المحدود للقضية الفلسطينية قائلا: “في ليله لميت 26 عربية إسعاف للفلسطينيين من فلوسكم يا مصريين، وتاني يوم كانوا بيجروا على الأسفلت، من فلوسكم أنتم، أي اللي جرالكم”.

واستكمل: “أنت مصر ولا مش مصر، أنت قد الموقع ولا مش قد الموقع، أنت العالم كله بيحترمك ليك، الـ3 حروف دول ليهم تمن، لما حد يحصل حاجة في المنطقة يرفع سماعة التليفون يا مصر”.

استقبال أهالي غزة 

وأضاف: “يا أخي دا أنت على مدى التاريخ جالك الدنيا كلها، طب أنت الـ10 مليون اللي عندك دول جم إزاي، يا أخي أنت كريم، ربنا هيباركلك، دا الرسول وصى على سابع جار، ودا الجار الاولاني، دول مصريين، أقولك أي تاني”.

التاريخ المصري 

واستكمل الإعلامي عمرو أديب خلال تقديم برنامج “الحكاية”: “لولا التاريخ كنا هنتكلم في كلام تاني خالص، نفتكر التاريخ، نفتكر الرحمة، دا كان بينضرب بالصواريخ، دا عنده كليه مش شغالة يعمل أي تاني، دا أخد رصاصة يعمل أي تاني، ربك ينزل الرحمة والنور عليك يا أخي، أنا آسف إذا كنت وصلت للمرحلة دي بس بتألم”.

وشدد “أديب”: “عاوز الحق، الفلسطيني في بلده أحق، والله العظيم دول ما عاوزين يغادروا بلادهم، دول عاملين زي شجرة الزيتون بتتزرع بتفضل مكانها”.

 المخيمات المتواجدة

ولفت الإعلامي عمرو أديب إلى وجود أحد المخيمات المتواجدة حتى الآن منذ خمسينيات القرن الماضي قائلا: “فيه مخييم للاجئين في بيروت من حاجة وخمسين، لما تدخل المخيم مش هتلاقي فيه خيمة، ما عدش فيه خيمة، لم يكن مخيما، لكن ما زال قائما حتى الآن، لكن دول ليهم مين، دول ليهم مصر”.

وأكمل: “مصر هي الأب، أنت مطلوب منك اكتر، إحنا داخلين على رمضان، يا مسلمين يا مسحيين، على طول حالا، أهلا وسهلا نورتوا بلدكم، انتوا جايين لبلد الطب”.

وبشأن المواقف المصرية؛ قال الإعلامي عمرو أديب للمتآمرين: “أسأل الشهداء بتوعنا يقولك إحنا مهمين ليه، أسأل الفنانين يقولولك إحنا مهمين ليه، اسألوا الكتاب إحنا مهمين ليه، وأطفال غزة في قلوبنا وحياتنا وفي عيونا”.