بعد سؤال رامز جلال.. أحمد السقا يكشف عن عودته لـ مها الصغير

وقع الفنان أحمد السقا، ضحية في برنامج رامز ليفل الوحش، الذي يقدمه الفنان رامز جلال، عبر شاشة قناة MBC مصر، المذاع عقب أذان المغرب مباشرةً.

ووجه رامز جلال سؤالًا لـ أحمد السقا، حول عودته لطليقته مها الصغير أم سيتزوج من إمرأة أخرى، ليرد عليه الأخير قائلًا: "محدش ليه دعوه بحياتي الشخصية عشان معملش جناية".

وعلق رامز جلال عن طلاق أحمد السقا ومها الصغير أثناء تقديمه في حلقة برنامج رامز ليفل الوحش، قائلًا: "البيت أتخرب خلاص دا بقا قاعد عن محمود البزاوي خلاص".

وقال رامز جلال أثناء تقديم أحمد السقا كضحية جديدة: "انهادرا حلقة شائكة محفوفة بالمخاطر، مع إن اللي جاي صاحبي بس الشغل مفيهوش خواطر، معانا نجم كبير أفلامه بتكسر السينمات، ياما طلع من تحت أيده ممثلين وممثلات، بس للأسف بقاله فترة متغير ومتحول، ساب الأفلام والبلاتوهات واتفرغ للمشاكل والخناقات، ولما الفراغ قتله اتجه للفيديوهات".

وأضاف رامز جلال قائلًا: " عشان إنت بالنسبالي أكتر من أخ، أنا جايبك وعاملك فخ، أنت محتاج صدمة ترجعك لمستواك، عشان اللي بتعمله مش عمايل نجم شباك، يمكن لما تتحط في المفرمة عقلك يرجعلك وتفوق من جو قطز وعز الدين أيمن اللي أنت عايش فيه، أخرج من عصر المماليك".

وتابع رامز جلال قائلًا: "أنا كده عملت اللي عليا والدور والباقي عليك، بس أوعى تمد إيديك، معانا ومعاكم قلب الأسد، النجم اللى أتحسد، اللي هوقفه عند حده وأقوله لا، أحمد السقا".

رامز ليفل الوحش

واستضاف رامز جلال حتى الآن خلال برنامج رامز ليفل الوحش، كلًا من، غادة عبدالرازق، سماح النور، أسماء جلال، هنا الزاهد، مصطفى غريب، عصام صاصا، زيزو، مروان عطية، ومن المقرر استضافة عدد آخر من نجوم الفن والرياضة خلال الحلقات المقبلة، بينهم أحمد السقا وغادة عادل وشيماء سيف وكارولين عزمي ورحمة محسن وبنتايج وغيرهم.

ويترقب الجمهور البرنامج يوميا في الساعة السادسة حيث يعد البرنامج  بالنسبة لهم وجبة مهمة ينتظرونه كل عام في نفس التوقيت على إم بي سي مصر، حيث ينال برنامج رامز جلال كل عام شعبية كبيرة.