رضوى الشربيني عن جدل الأعلى مشاهدة: مش مهم مين نمبر وان الأهم العمل الجيد
علقت الإعلامية رضوى الشربيني على جدل تصريحات بعض الفنانين حول كونهم رقم واحد في المشاهدات، تزامنًا مع الموسم الرمضاني 2026.
وقالت رضوى الشربيني في تصريحات لـ إي تي بالعربي: “عندنا مشكلة صغيرة، إن كل واحد بيكتب أنه (نمبر وان - نمرة واحد)، فإحنا مش عارفين لو كل الناس نمرة واحد، فمين نمرة 2؟! مش مهم مين رقم 1 أو 2 أو 3، المهم أن العمل يكون جيد”.
على جانب آخر، كانت أزمة اشتعلت بين المخرج محمد سامي والفنان عمرو سعد على جدل الأكثر مشاهدة في رمضان، بداية من فيديو نشره محمد سامي موجه لعمرو سعد دون ذكر اسمه مباشرة، كشف فيه أن مسلسله ليس الأعلى مشاهدة مثلما يدعي، وقال:"مينفعش إن مسلسل متسمعش عنه حاجة خالص أطلع أحاول أقنع الناس إن دا المسلسل اللي كسر العالم، غير صحيح.. نفس فكرة الأجور مينفعش أطلع أقول أنا الأجر الأعلى.. نفس الزميل طلع وقال إنه الأعلى أجر وقيمة تسويقية، يعني أنت أعلى أجر وقيمة تسويقية من كريم عبدالعزيز ومحمد رمضان وأحمد عز؟؟، طب ما الجمهور مش هيقتنع بالكلام دا، والكلام دا مش حقيقي ومش صح".
حينها، رد عمرو سعد على محمد سامي ونشر تقارير تشير إلى تصدر مسلسله إفراج نسب المشاهدة، وكتب : "أول مرة ننشر فيها تقارير موثقة وغير مزورة، وكنت أتمنى إن الشركات والمحطات تعلنها، لأن ده في مصلحة الشغلانة والصناعة، زي كل بلاد الدنيا اللي فيها صناعة دراما وسينما ولها تاريخ".
