أحمد العوضي يرد على عمرو سعد ومحمد سامي: "مش هنتسحر ونفطر أونطه"

أشتعلت نيران التصريحات بين نجوم دراما مسلسلات رمضان 2026، حول أكبر مسلسل حصل على نسبة مشاهدات أثناء العرض خلال النصف الأول من شهر رمضان.

ورد الفنان أحمد العوضي على تصريحات كلًا من الفنان عمرو سعد والمخرج محمد سامي، عبر حسابه الرسمي على موقع التواصل الاجتماعي "فيسبوك".

وكتب أحمد العوضي، قائلًا: "احنا بنرد بأرقام مش هنتسحر ونفطر علي أونطه، واللي ميجيش بالجد بيجي بالـ ؟؟ كملو يا اخواتي".

عمرو سعد: نقفل الباب علي المدعين اللي بيحاولوا يزورا الحقايق

بينما خرج الفنان عمرو سعد عن صمته، ونشر تقارير نسبة المشاهدة، معلقًا على أزمة المشاهدات عبر حسابه الرسمي على موقع التواصل الاجتماعي "فيسبوك".

وكتب عمرو سعد، قائلًا: "لأول مرة ننشر التقارير المعتمدة مش المزورة وكنت أتمني إن الشركات والمحطات تعلنها لإن ده في مصلحة الشغلانه والصناعة  زي كل بلاد الدنيا اللي فيها صناعة دراما وسينما ولها تاريخ". 

وأضاف عمرو سعد، قائلًا: "وبكده نقفل الباب علي المدعين اللي بيحاولوا يزورا الحقايق اللي مستحيل إنكارها وصعب جدًا إنك تضحك علي الناس وتزيف وعيهم".

محمد سامي: مينفعش مسلسل محدش سمع عنه تقول إنه رقم 1

وفي سياق متصل، علق محمد سامي، على أزمة الأعلى مشاهدة في مقطع فيديو، قائلًا: "رقم واحد دي ليها دلالات بتبان في حالات التجاوب بين الجمهور، مش مهم رقم واحد تعاله نقول مين اللي ينجح، مثلا في مسلسل عين سحرية سمعت عنه من كل الناس وقريت عنه وحصل عليه تجاوب".

وأضاف محمد سامي قائلًا: "مسلسل اتنين غيرنا سمعت من كل الناس وحصل عليه تجاوب وسمعت إن في ناس حابه العلاقة وناس حبة دور دينا الشربيني ودور آسر ياسين، سمعت عن مسلسل هي كيميا، واللذاذة اللي فيها مصطفى غريب وإن الموضوع حلو".

وتابع محمد سامي قائلًا: "سمعت عن مسلسل إياد نصار ومنة شلبي، سمعت إن في تجاوب، أسمع مشهد عمل فرقعة كبيرة، عن علاقة عاملة نجاح، وفي مسلسلات مسمعتش عنها خالص، ومينفعش إن مسلسل متسمعش عنه حاجة خالص أطلع أحاول أقنع الناس إن دا المسلسل اللي كسر العالم، غير صحيح".