عمرو سلامة يرد على شائعة سرقة مسلسل "برستيج" من أعمال أجنبية

أجرى المخرج عمرو سلامة، مداخلة هاتفية مع الإعلامية سارة الدندراوي، في برنامجها "تفاعلكم" الذي يُعرض يوميًا على قناة العربية، وعلق على شائعة سرقة مسلسل "بريستيج" من أعمال أجنبية.

مسلسل "بريستيج"

وقال المخرج عمرو سلامة: "أنا معتقدتش أني شوفت عمل مصري في أخر 10 سنين .. غير وكانوا بيقولوا عليه أنه مسروق من أعمال أجنبية .. دي بقيت حاجة شائعة جدًا .. اللي أنا بستغربه أن الناس بيحكموا عليه من قبل ما المسلسل ينزل .. أتمنى الناس تتفرج ويبقى ليهم الحكم الأخير بعد ما يشوفوا المسلسل".

وأضاف سلامة: "أحنا مش مستوحيين خالص من حاجة .. بعد ما بدأنا تحضير للمسلسل .. حد قالنا أنه شبه مسلسل أسباني الفكرة شبيه للمسلسل .. وبصينا على المسلسل عشان نتأكد أننا مالناش دعوة به خالص .. في ناس شبهته بعمل مصري .. وناس شبهته بعمل أمريكي".

وأردف المخرج عمرو سلامة في حديثه: " لو الواحد ركز مع ده مش هينتج أي حاجة .. لأن طول الوقت بيحصل هذا الشكل من التشبيهات .. لما الناس بتتفرج بتكتشف أن مالهاش أي أساس من الصحة".

أحداث المسلسل

وتحدث المخرج عمرو سلامة، سابقًا، عن مسلسل "بريستيج"، وقال: "الأحداث ببساطة، هو بيضم شخصيات متنوعة جدًا اضطرت تتحبس في كافيه في يوم عاصف جدًا.. واحد من الشخصيات بتتقتل.. وبيصبح الجميع متهمين.. والجميع لازم يدافع عن نفسه.. وكله بيحاول يعرف مين القاتل .. أكتر حاجة حمستني للعمل الشكل التقني.. الكتابة كان فيها دم خفيف من نوع جديد جدًا .. كان في خليط من تحديات فنية كتيرة جدًا.. من النوع.. مكان التصوير.. زمن الأحداث”.

أبطال المسلسل 

وأعلنت منصة "يانجو بلاي" منذ أيام عن موعد عرض مسلسل "بريستيج"، على أن يكون آخر شهر أبريل الحالي، وهو من بطولة الفنان محمد عبدالرحمن، والفنان مصطفى غريب.  بالتعاون مع مغني الراب زياد ظاظا، وصانع المحتوى محمد عبد العاطي، وراندا عوض، ودينا، وسامي مغاوري، وبسام رجب، وآلاء سنان، وأمينة البنا، ومعاذ نبيل، وعمر الشريف، والمسلسل من إخراج عمرو سلامة وتأليف انجي أبو السعود، ومن إنتاج  طارق نصر وشركة "ذا بلانت ستوديوز".