الكاميرا الخفية.. بيومي فؤاد: اللي بيحصل قلة أدب وواضح إنكم مش محترميني

انفعل النجم بيومي فؤاد خلال استضافته في حلقة اليوم من برنامج الكاميرا الخفية، مع المخرج تميم يونس، المذاع عبر شاشة اون، معبرا عن استيائه الشديد مما حدث أثناء التصوير.

وقال بيومي فؤاد: «واضح إنكم مش محترميني، وأنا بنسحب لأن ده ميرضيش حد، إزاي اللي بيتصور ده مش إعلان، إزاي أصدقكم بكمية المنتجات دي اللي بيحصل ده اسمه قلة أدب، وأنا مش عيل صغير».

وتابع بيومي فؤاد حديثه موجها كلامه لأحد مساعدي المخرج: «إنت مستفزة جدًا على فكرة».

وفي وقت سابق، بعد خلاف امتد لأكثر من عامين، خرج الفنان بيومي فؤاد للاعتذار للفنان محمد سلام، عن الفيديو الذي تم تداوله لـ بيومي في موسم الرياض عام 2023، عندما خرج للدفاع عن النجوم المصريين الذين يعملون في موسم الرياض، بعدما أعلن سلام اعتذاره عن عدم تقديم إحدى المسرحيات وقتها بسبب أحداث العدوان الإسرائيلي على غزة.

بيومي فؤاد يعتذر لـ محمد سلام

وبكى بيومي فؤاد خلال لقائه مع الفنان حسام داغر، في بودكاست شقة التعاون، المعروض عبر يوتيوب، وقال عن محمد سلام : “نفسي أشوفلك حاجة في رمضان السنة دي .. ربنا يوفقك ويصلح الحال .. وأنا عارف معدنك ويارب يعدي الموضوع ده على خير .. وأنت عارف مين بيومي فؤاد كويس أوي .. ولو زعلان مني أنا آسف”.

لسه لغايت دلوقتي الناس بتقول عليا رخيص

وواصل بيومي مشيرًا إلى تأثره الكبير بعد الهجوم عليه بسبب هذا الفيديو، قائلًا : “لسه لغاية دلوقتي الناس بتقول عليا رخيص .. وبعد الموضوع ده أنا قفلت كل السوشيال ميديا بتاعتي”.

علاقة بيومي فؤاد القوية بـ محمد سلام

كما تحدث بيومي فؤاد عن علاقته القوية بالفنان محمد سلام، حيث قال : “أنا كنت ولي أمر محمد سلام .. واللي حصل كان زي كارثة طبيعية كسرت الدنيا .. وأنا عارف إني أخطأت”.

وأكد بيومي أنه لم يكن يومًا يسعى للظهور عبر السوشيال ميديا أو ركوب موجة التريند، بل على العكس تمامًا، فهو فنان اعتاد العمل في صمت بعيدًا عن الضجيج، وأضاف : “أنا مش بتاع تريند وسوشيال ميديا .. ومش متعود على الهجوم”