بعد هجومها عليها.. مي القاضي لـ فيفي عبده: "الراقصات المفروض متمثلش"
علقت الفنانة مي القاضي، على هجوم الفنانة فيفي عبده عليها، بعد تقديمها لدور راقصة في مسلسل العتاولة، والذي أثار جدلًا، خاصة أن فيفي عبده وقتها خرجت عن صمتها لتقول “الرقص له ناسه”.
تعليق مي القاضي على هجوم فيفي عبده
وقالت مي القاضي في لقاؤها مع برنامج "كشف حساب" الذي تقدمه الإعلامية إنجي هشام على شاشة "هي": شفت ان الجمهور حب الرقص جدا والبنات كانت بتقلده، وانا قعدت خمس شهور عشان اتعلم حركتين تلاتة من أجل العتاولة.
وتابعت مي القاضي قائلة: “وأنا عملت كل المجهود اللي اقدر عليه كشغل، وفيفي عبده كان كلامها عن أن ليه الممثلات تعمل راقصات والرقص له ناسه؟ طب ما أنا ممثلة ودوري أعمل أي دور الراقصات هما المفروض ميمثلوش، وانا مفكرتش أعاتبها لأن متقابلناش إلا في مشهد واحد في العتاولة، وأنا استغربت التصريح جدا.”
“مش هسيب الفن حتى لو حرام”
وقالت مي القاضي خلال ذات اللقاء: “معرفش الفن حرام ولا حلال، نفسي يكون الفن حلال، أوقات بقول يا ترى حلال ولا حرام، فـ ليه يبقى حرام؟ انا بحبه ومش شايفه انه حاجة غلط ولا اللي شغالين فيه غلط، شغلانة متعبة وفيها قيود، وربنا مقالش الفن حلال ولا حرام مفكرتش أعتزل وارتدي الحجاب وبشوف اللي عملوا كده خطوة كويسة وعايزين يقربوا من ربنا بعد مشوار ، أنا لسه في حاجات كتير نفسي اعملها ومشبعتش من التمثيل.”
وتابعت مي القاضي: “الفن لو حرام؟ مش هسيبه عشان أنا بحبه، لازم اكون مقتنعه ومافيش حاجة غلط بعملها؟ او اقتنع بكلام اللي بيتكلم، شايفه إن الدنيا ابسط من كذه بكتير الدين عايزنا منكذبش ولا نسرق في ناس قافلين ع نفسهم مبيخرجوش ولا بيسمعوا اغاني مبحبش أبقى كده مبحبش التطرف.”
مي القاضي تقرر تجميد بويضاتها
ومن جانبها علقت مي القاضي على فكرة تجميد بويضاتها لحين الزواج مثل الفنانة ناهد السباعي: “برافو انها عملت كده، مع والعلم دايما بيطلع حاجات جديدة في العلم تسهل علينا حياتنا، وبفكر اعمل تجميد بويضات لان ده هيدي فرصة للست تعمل اي حاجة في الوقت اللي عايزاه.”
تفاصيل برنامج كشف حساب
ويعد برنامج “كشف حساب" من تقديم الإعلامية إنجي هشام خلال شهر رمضان على شاشة “هي”، من الأحد إلى الأربعاء، في تمام الساعة 12 بعد منتصف الليل، وتستضيف من خلاله عددًا من نجوم الفن، والذين يكشفون العديد من الحكايات الخاصة لأول مرة.
