بعد تعرضه لانتقادات.. محمد يوسف أوزو يكشف عن معاناته من مرض مناعي ليس له علاج

كشف الفنان محمد يوسف الشهير بأوزو، عن معاناته من مرض مناعي يُسمى بـ  التهاب الفقرات التصلبي، وذلك ردًا على التعليقات التي انتقدت طريقة سيره، مشيرًا إلى أن هذا المرض ليس له علاج.

وكتب محمد يوسف عبر حسابه بموقع فيسبوك: "بسم الله الرحمن الرحيم اسمى محمد يوسف محمد شرف والشهرة اوزو  بشوف تعليقات كتير على موضوع ضهري، والله أنا فعلًا لا أحب جو الصعبانيات، ومستحيل أكسب تعاطف الناس والجو الرخيص ده، وكتير من الناس غير القريبين مني ميعرفش موضوع مرضي.. أنا عندى مرض مناعى نادر اسمه ankylosing spondylitis  التهاب الفقرات التصلبي وملوش علاج وكل اللي أقدر اعمله اخد العلاج البيولوجي بتاعى  عشان يبقى الحال على ماهو عليه وحتى حاولت اروح لدكتور متخصص عشان اعمل عملية تجميل".

وأضاف: "ومن كتر ماهو دكتور مشغول راح معايا دكتور أشرف ذكى ودخلته بعد ٨ ساعات انتظار فى العيادة والباشا كشف وقالي تعالى بعد سنة
مع العلم ان العملية دى هتحتاج من ٤ ل٦ شهور بعدها عشان ارجع طبيعي".

وتابع: “ طب السؤال هنا هل أنا مش عاوز اعملها؟؟ لأ عاوز اعملها بس اكيد مع دكتور مهتم بحالتي مش بيشوف جدوله فاضي امتى.. هل مش مسببالي تعب؟ أنا من كتر الألم المخ بطل يبعت إشارات بالألم  طب هل أنا مبسعاش إني احسن دا ؟ لما ربنا بيكرم بروح اعمل علاج طبيعى مانيوال وعلاج مائي وبالمناسبة العلاج الطبيعى المانيوال دا عذاب”.

واختتم محمد يوسف أوزو: "أنا آسف لو حضرتك مش عجبك مشيتي أو شكل ضهري بس والله دا مش هعرف اعمل حاجة فيه لحد ما ربنا يأذن.. آسف للإطالة بس وجب التوضيح ورغم كل دا الحمد لله رب العالمين على كل حال".

يُشار إلى أن محمد يوسف أوزو يشارك في مسلسل صحاب الأرض بطولة منة شلبي وإياد نصار والذي يُعرض حاليًا ضمن الموسم الرمضاني، في النصف الأول من الشهر الكريم حيث أنه مكون من 15 حلقة فقط.