بوسي تهاجم دينا: "مقتنعتش بيكي في الوسط والرقص إحساس وفيفي عبدة عالمه"

علقت الراقصة بوسي على تصريحات الفنانة دينا الأخيرة، حول مواصفات الراقصة، عبر حسابها الرسمي على موقع تبادل الصور والفيديوهات الشهير "إنستجرام".  

وكتبت بوسي قائلة: "أول مره أعلق علي حاجة في السوشيال ميديا عمومًا بس أنا انهارده شفت حلقة للراقصة دينا ويؤسفني أن أقول الراقصة دينا لإن عمري ما اقتنعت بيها كاراقصة وده رايئ الشخصي".

وتابعت بوسي قائلة: "بس استوقفني كام جملة كده قالتهم قالت إن الرقص ليه جسم معين وإن اللي وزنهم زياده يسمي عوالم وليست راقصات يعني إنتي بالنسبالك فيفي عبده عالمه؟".

وأردفت بوسي قائلة: "كمان بتقول إن مفيش راقصات مصرين حلوين شكل ورقص طيب إنتي تعرفي إن الرقص الشرقي هو روح أصلًا أكتر من استعراض فقط مع احترامي الكامل للأجانب بس هما بلا روح ودي حاجه كلنا عارفينها".

وأكملت بوسي قائلة: "الرقص الشرقي أصوله عربي مفيش واحده أجنبيه بحسها عندها روح المصريه ممكن في بعض منهم رقصهم حلو بس معندهمش إحساس".

واختتمت بوسي قائلة: "الرقص عمره ما كان بوزن معين وله شكل معين الرقص معروف إن روح ومفيش أحلي من روح الست المصرية".

أبرز تصريحات دينا مع ياسمين الخطيب

وكانت دينا ظهرت مؤخرًا في برنامج "ورا الشمس"، التي تقدمه الإعلامية ياسمين الخطيب عبر شاشة قناة الشمس.

وتطرق الحديث عن عدد زيجاتها لترد دينا قائلة: "أنا لو حبيت ممكن أتجوز تاني عادي لإني أنا بتجوز في أي وقت، يعني أي وقت هحب هتجوز لأن مفيش أوبشن ومليش في إني أصاحب وأخرج والجو دا، نتصاحب واحنا متجوزين".

وأضافت دينا قائلة: مفيش جوازات مستخبية ومعنديش حاجة مستخبية عامة، كل حاجة معروفة عني، وأنا خبيرة في الرجال".

وعن حلمها بإنشاء أكاديمية للرقص، ردت دينا قائلة: "مصر مليئة بأكاديميات الرقص، لكن أمنية حياتي أن يكون عندي أكاديمية خاصة بيا، وكان نفسي أعمل أكاديمية الرقص دي من 20 سنة، والأكاديمية بتضم كل أنواع الرقص الشرقي والتمثيلي والسيناريو والحديث، وبحب أتمرن دايما على كل أنواع الرقص".