في بيان رسمي ..الأهلي يشكر الداخلية بعد الإفراج عن مجموعة من جماهيره المحبوسين
وجه مجلس إدارة النادي، برئاسة الكابتن محمود الخطيب الشكر لوزارة الداخلية والجهات المعنية بعد الإفراج عن مجموعة من جماهير الأهلي المحبوسين، حرصًا على مستقبلهم.. وعبر المجلس عن تقديره لهذه الخطوة الإيجابية من جانب القيادات الأمنية، وأنه على ثقة بأن الأيام القليلة القادمة سوف تشهد النظر مجددًا في موقف زملائهم الآخرين في إطار سيادة القانون. وجدد المجلس تكليفه للمستشارين القانونيين للنادي بالاستمرار في توفير الدعم القانوني الكامل لبقية المحبوسين، وفق الأطر الشرعية والدستورية، واحترام مؤسسات الدولة، والتنسيق الدائم مع محاميهم.
الدماطي يوجه رسالة لجماهير الأهلي بسبب الغياب عن مباريات الدوري
في سياق مختلف،استفسر محمد الدماطي عضو مجلس إدارة النادي الأهلي، عن سبب م حضور الجماهير في مبارات الأهلي في الدوري المصري مثل الحضور في مباريات دوري أبطال إفريقيا.
وكتب الدماطي عبر حسابه على موقع التواصل الاجتماعي فيسبوك:"حتكلم في البوست دة بصفتي مشجع اهلاوي قبل ما ابقي عضو مجلس ادارة ، و عارف حجم الأبواب اللي حتتفتح عليا ، بس أنا مش بعرف استخبي".
وتابع:"مهما كان درجة عدم رضاك عن الادارة او الفريق او اي شيء دة مش مبرر أبدا لضعف الحضور الجماهيري في مباريات حاسمة في الدوري، لو هي ظاهرة عامة ممكن اقول فقدان شغف ، او مشاكل مع الجمهور".
وأضاف:" لكن لما يبقي الحضور كامل العدد في ماتشات افريقيا و عدد قليل جدا في مباريات الدوري يبقي اية السبب، هل بنوصل رسالة للاعبين ان الدوري مش مهم، مفيش أي مبرر منطقي للتفاوت دة، و مش حندفن راسنا في الرمل و نعمل مش واخدين بالنا ، كل البطولات مهمة".
وأكمل:" التواجد الجماهيري دة لوحدة بيحسن الاداء ، أنا علي مدار عمري كنت اكتر فترة لازم ابقي موجود فيها في المدرج و الفريق محتاجني عشان يكسب ".
واختتم:"نقفل علي نفسنا شهرين بس ، نركز مع حاجة واحدة اننا نزق فرقتنا لقدام لحد آخر الموسم ، نشجع و نروح الاستاد ، و نسيب اي انتقادات علي جنب دلوقتي عشان مش مهم الأشخاص ، محدش حيفتكر حاجة غير البطولات في الاخر ، المهم الاهلي ، الاهلي و بس ، ياريت الناس المؤثرة تتبني الاتجاة دة ، كل حاجة لسة في ايدينا ، و ان شاء الله ربنا حيكرمنا في الاخر".
