داليا مصطفى: "ليلى في روج أسود في منها كتير في المجتمع" |حوار
حققت الفنانة داليا مصطفى نجاح غير مسبوق في مسلسل روج أسود، الذي يشارك في موسم رمضان الحالي، التي يتحدث عن أزمة الطلاق، وما تشعر به السيدات بعد الطلاق.
وفي حوار خاص مع موقع نيوز رووم كشفت داليا مصطفى عن كواليس مسلسل روج أسود:-
س/ كيف استعدتي نفسيا لمسلسل روج اسود خاصة أنه به مشاهد خيانة وعدم ثقة في زوجك؟
ج/ قرأت المسلسل مرة واتنين وبقرأ دوري كويس وبحاول أشوف نموذج من الحياة، وبحاول استعيد الشخصية دي من اللي أنا شوفته.
س/ ما رأيك في ردود الفعل؟
ج/ ردود الفعل أكثر من رائعة، بيتبعتلي مسدجات على إنستجرام والشير بيأكدلي تفاعلهم مع القصة
س/ هل كان في مرجع عندك لشخصية ليلى؟
ج/ طبعا شخصية ليلى موجودة كتير في الحياة حوالينا.
س/ ما الذي جذبك في دور ليلى؟
ج/ جذبني أن الدور مركب مش ماشي في اتجاه واحد بالعكس في تقلبات، وأنها هتتمرد وهتتحول تاني بعدها، في المسلسل في ثلاثة مراحل تحول عند ليلى
س/ طبيعة المسلسل مختلفة شوية لأنه مسلسل تقريبا نسائي وبيتكلم عن مشاكل الستات.. ما الذي جذبك في النوع ده من المسلسلات؟
جذبني أن في حالات كتير في مصر والوطن العربي والعالم بيمروا بحالات طلاق ولأسباب غريبة وعجيبة فأحنا حاولنا نظهر نماذج بسيطة من النماذج المنتشرة، ونظهر واقع الطلاق على المطلقة والمجتمع بيتعامل معاها ازاي.
س/المسلسل تم تصويره متذ عام ونصف.. لماذا تأخر في عرضه؟
ج/ قعدنا نصور سنة ونصف قبل كده وكان فاضل كام مشهد في ديكورات خاصة بيا وصورنا فيها قبل رمضان بشهر، وممكن التأخير يكون لظروف انتاجية الله أعلم.
س/ هل عرض المسلسل في رمضان أثر على نسبة مشاهدته بالسلب أم الإيجاب؟
أنا شايفة أنه حتى الآن إلي حد ما كويس ولسه هيشد أكتر بدون مقاطعة يعني.
س/ كيف كانت الكواليس في مسلسل روج أسود مع وجود عدد كبير من الأبطال؟
ج/ الكواليس كانت جميلة وأحنا حقيقي بنحب بعض أوي وكنا مبسوطين مع بعض وباين حالة الحب دي واضحة في التصوير
س/ هل السوشيال ميديا نعمة أم نقمة في حياتك؟
ج/ السوشيال ميديا زيها زي أي حاجة لو اتعملنا معاها بشكل سئ هتكون نقمة، والعكس صحيح، لا السوشيال ميديا ليها فوايد، وليها مساوئ
س/ حدثينا عن مشاركتك في مسلسل اسأل روحك؟
ج/ بجسد شخصية لوجين والمسلسل بيدور حول قضية قتلها.
س/ من وجهة نظرك، من حصد ردود فعل أكثر روج أسود أم اسأل روحك؟
يمكن مسلسل اسأل روحك لسه متعرضش على قنواتنا فحاسة أن روج أسود ردود فعله أقوى، بس متاكدة أن اسأل روحك كمان هيحقق نجاح كويس اووي.
