تامر حبيب يعتذر عن منشور "أعلى نسبة مشاهدة": آسف لو هزاري كان تقيل

قدم السيناريست تامر حبيب اعتذارًا عن المنشور الذي سخر فيه من بعض الفنانين دون أن يذكر أسماء بعينها والتي صف أعمالها بالأكثر مشاهدة.

وكتب تامر حبيب عبر حسابه بموقع فيسبوك: “طيب للتوضيح، وبعد ما صديق وزميل عزيز بعتلي وعاتبني علشان اتقاله أن هو المقصود بالبوست اللي نزلته من شوية بخصوص موضوع أعلى نسبة مشاهدة، أحب أوضح وأأكد إني والله العظيم ما قصدت حد بعينه، ولا بألقح على أي فنان بالكلام… أنا بأتكلم في العموم، وأظن كل البشرية بقالها سنين وسنين بتنتقد كل صناع المسلسلات كل سنة وكل واحد فيهم بيقول أنا أعلى نسبة مشاهدة، وبصراحة لما لقيت ناس ماعرفش أن ليها مسلسل بيتعرض أصلاً بيقولوا نفس الجملة الكليشية”.

وأضاف تامر حبيب: "من كتر الجملة ما بوخت وسخفت، كتبت البوست ده… لكن مرة ثانية بأأكد للجميع بشكل عام وللصديق والزميل اللي مش عايز أقول اسمه احتراماً ليه، ولأنه بجد بقي عامل نسبة مشاهدة عالية جداً وأنا عارف ده بعيد عنه خالص، وجب التوضيح . وآسف لو الايفيه او هزاري كان تقيل، بس للأسف عمري ما مسحت پوست أنا كتبته قبل كده…وألف مبروك لكل الزملاء والأصدقاء اللي بذلوا مجهود وعملوا مسلسلات بشكل عام، واللي عملوا مسلسلات احترمتنا واحترمت عقولنا لانهم احترموا نفسهم واحترموا فنهم، حتي لو جابوش أعلى نسبة مشاهدة".
 

وكان تامر حبيب كتب عبر حسابه بموقع فيسبوك: “سكت الجميع ثم تكلم الحمار ثم قال: أنا أعلى نسبة مشاهدة…بس، هه”.