قطن النيل.. باسل سماقية يفجر مفاجأة حول سبب تسمية قطونيل

تحدث باسل سماقية رئيس مجلس إدارة شركة قطونيل، عن سبب تسمية قطونيل بهذا الاسم، قائلا: «أنا وصحابنا كنا قاعدين بنحط أسامي ونقعد نختصر لحد ما وصلنا لـ قطن النيل ومن هنا جاءت قطونيل، القطن بيتكلم مصري».

الإعلانات المثيرة للجدل

وأضاف، خلال حواره مع الإعلامية لميس الحديدي في برنامج «رحلة المليار»، المذاع على قناة «النهار»، أن يعرف جيدا كيفية إنشاء شعارات «سلوجانات» خاصة في الإعلانات المثيرة للجدل.

سر ارتداء الخاتم 

وخلال الحلقة تحدث عن السر وراء الخاتم الذي يرتديه معلقا: «بحب التفاؤل ومليش في التشاؤم وأنا بلبسه علطول عشان بتفائل بيه، مش بضايق لما حد بيضايق لما حد ينتقد إني بلبس بدل فيها ألماظ وخواتم وأساور ألوان أنا بلبس اللي بحبه». 

في وقت سابق، قال باسل سماقية، رئيس مجلس إدارة شركة قطونيل، إن شركته بدأت منذ 27 سنة ونجحت في التوسع لتشمل أكثر من 400 فرع في أنحاء مصر، كما تصدر منتجاتها إلى 13 دولة، ودخلت السوق الأوروبي خلال الفترة الماضية، خلال لقائه مع الإعلامية لميس الحديدي، مقدمة برنامج رحلة المليار عبر قناة النهار.

700 فرع للشركة

وأضاف: «أول حاجة إحنا تقريباً داخلين على 700 فرع، اللي تابعين لينا مباشرة ميجوش 80 فرع، الباقي كله فرانشايز، هما بيدونا مقدمات وهم اللي بيجيبوا المحل ويعملوا الديكور ويدفعوا تمن البضاعة بالكامل، في مقابل إننا بنديله هامش ربح حلو قوي.. يعني إحنا بندعمهم وخلاص، وده اللي ساعدنا نوصل للحجم الكبير ده».

وأشار إلى أن معرض إسبانيا كان نقطة الانطلاق للقفزة الكبرى للشركة، لكنه أوضح أن الطموح مستمر، قائلًا: «مرة حد بيسألني إمتى كانت القفزة الكبرى؟ قلت له لسه مقفزتهاش، لسه مستني فيه قفزة أكبر.. حجم استثمارات الشركة طبعاً بالمليارات وعدد العمال كتير».

وأكد سماقية أنه يحرص على متابعة الإنتاج بنفسه، :«أنا دايماً بتجول في صالات الإنتاج، قليل لما أقعد في مكتبي، وبحب أسمع صوت المكن وأشوف العمال بيشتغلوا. وكلهم مصريين، وده اللي بيديني شعور بالفخر».

تحدث باسل سماقية، رئيس مجلس إدارة شركة قطونيل، عن بداياته العائلية في صناعة الغزل والنسيج، والذكريات التي شكلت شخصيته وحبه للصناعة.